ICC Player Of The Month : అక్టోబర్ నెలకుగాను 'ప్లేయర్ ఆఫ్ ది మంత్' అవార్డులను ఐసీసీ తాజాగా ప్రకటించింది. ఈ క్రమంలో పురుషుల క్రికెట్ విభాగంలో కివీస్ ఆటగాడు రచిన్ రవీంద్ర ఈ అవార్డును దక్కించుకున్నాడు. అయితే ఈ రేసులో టీమ్ఇండియా ప్లేయర్ జస్ప్రీత్ బుమ్రాతోపాటు దక్షిణాఫ్రికా ఓపెనర్ క్వింటన్ డికాక్‌ ఉన్నారు. కానీ వీరిద్దరిని దాటుకుని రచిన్ ఈ అవార్డును దక్కించుకున్నాడు. ఈ సందర్భంగా రచిన్ రవీంద్ర ఆనందం వ్యక్తం చేశాడు. " ఈ అవార్డు అందుకోవడం పట్ల నాకెంతో గర్వంగా ఉంది. అంతేకాకుండా అక్టోబర్ నెల నాకు ఎంతో ప్రత్యేకం. భారత్‌ వేదికగా వన్డే ప్రపంచకప్‌ ఆడటం మరింత సంతోషకరం" అని రచిన్ వ్యాఖ్యానించాడు.
Rachin Ravindra World Cup Stats :ప్రస్తుత వరల్డ్కప్లో యంగ్ బ్యాటర్ రచిన్ రవీంద్ర అదరగొడుతున్నాడు. ఈ టోర్నీలో ఇప్పటివరకు 9 మ్యాచ్లు ఆడిన రచిన్.. 70.62 సగటుతో 565 పరుగులు చేశాడు. ఇందులో ఏకంగా 3 సెంచరీలు, 2 హాఫ్ సెంచరీలు ఉన్నాయి. ఈ క్రమంలో టోర్నీలో అత్యధిక పరుగులు నమోదు చేసిన జాబితాలో అగ్ర స్థానంలో కొనసాగుతున్నాడు రచిన్.
సచిన్ రికార్డు బ్రేక్.. సింగిల్ వరల్డ్కప్ ఎడిషన్లో 500+ పరుగులు సాధించిన అతిపిన్న వయస్కుడిగా రచిన్ (565 పరుగులు) నిలిచాడు. అతడు క్రికెట్ దిగ్గజం సచిన్ తెందూల్కర్ (523 పరుగులు) ను అధిగమించాడు. బ్యాటింగ్లోనే కాకుండా రచిన్.. అటు బౌలింగ్లోనూ రాణిస్తున్నాడు. ఈ టోర్నీలో అతడు 7 వికెట్లు పడగొట్టాడు.