ICC ODI RANKINGSజింబాబ్వేతో జరిగిన సిరీస్‌ను క్లీన్‌స్వీప్‌ చేసిన టీమ్ఇండియా.. ఐసీసీ విడుదల చేసిన తాజా వన్డే ర్యాంకింగ్స్‌లోనూ అదరగొట్టింది. 111 రేటింగ్ పాయింట్లను మెరుగుపరుచుకుని మూడో స్థానానికి చేరుకుంది. సోమవారం జరిగిన మూడో వన్డేలో 13 పరుగుల తేడాతో గెలిచి ఈ మార్క్ను అందుకుంది. ఈ మ్యాచ్లో కెప్టెన్ శిఖర్ ధావన్, గిల్, ఇషాన్ కిషన్, ఆవేశ్ఖాన్ బాగా రాణించారు.
మరోవైపు నెదర్లాండ్స్‌తో జరిగిన వన్డేసిరీస్‌ను క్లీన్‌స్వీప్‌ చేసిన పాకిస్థాన్ కూడా 107 పాయింట్లతో నాలుగోస్థానంలో నిలిచింది. ఇక వెస్టిండీస్‌తో జరిగిన సిరీస్‌ను 2-1 తేడాతో నెగ్గిన న్యూజిలాండ్ 124 పాయింట్లతో వన్డే ర్యాంకింగ్స్లో అగ్రస్థానంలో కొనసాగుతోంది. 119 పాయింట్లతో ఇంగ్లాండ్ రెండో స్థానంలో, 101 పాయింట్లతో ఆస్ట్రేలియా ఐదో స్థానంలో నిలిచాయి.