ప్రపంచ టెస్టు ఛాంపియన్షిప్ ఫైనల్ (WTC Final)ను మూడు టెస్టులుగా నిర్వహించాలని పలువురు క్రికెటర్లు ఆకాంక్షిస్తున్న నేపథ్యంలో ఐసీసీ(ICC) స్పందించింది. అంతర్జాతీయ క్రికెట్ షెడ్యూల్ బిజీగా ఉన్నందున అందుకు వీలుపడదని వెల్లడించింది. 'ఆదర్శనీయమైన ప్రపంచం'లో మాత్రమే అది సాధ్యమవుతుందని స్పష్టం చేసింది.
"డబ్ల్యూటీసీ ఫైనల్ను మూడు టెస్టులుగా నిర్వహించాల్సి వస్తే క్రికెట్ ఆడే దేశాలన్నీ ఒక నెల రోజుల ఖాళీ సమయాన్ని వెచ్చించాల్సి ఉంటుంది. ప్రస్తుత రద్దీ షెడ్యూల్ సమయంలో అది సాధ్యం కాదు. అందుకే ఈ ప్రతిష్ఠాత్మక ఫైనల్ మ్యాచ్ను ఒకే టెస్టుగా నిర్వహిస్తున్నాం."