Mens Cricket Future Tours Programme(FTP) అంతర్జాతీయ క్రికెట్ కౌన్సిల్‌(ఐసీసీ) పురుషుల క్రికెట్‌కు సంబంధించిన భవిష్యత్ పర్యటన ప్రణాళికను(ఎఫ్టీపీ) బుధవారం విడుదల చేసింది. 2023 నుంచి 2027 కాలానికిగాను పూర్తి షెడ్యూల్‌ను ఐసీసీ ప్రకటించింది. ఇందులో ద్వైపాక్షిక సిరీస్‌లతో పాటు రెండు ఐసీసీ టెస్టు ఛాంపియన్‌షిప్‌లు, రెండు టీ20 ప్రపంచకప్‌లు, రెండు వన్డే ప్రపంచకప్‌లు, ఛాంపియన్స్‌ ట్రోఫీ ఉన్నాయి. అయితే.. పాక్‌తో భారత ద్వైపాక్షిక సిరీస్‌లకు ఇందులో చోటు కల్పించలేదు.
2019-23 ఫ్యూచర్‌ టూర్‌ ప్రోగ్రామ్‌ కన్నా తాజా షెడ్యూల్లో మూడు ఫార్మాట్‌లోనూ మ్యాచ్‌ల సంఖ్య పెరిగింది. ప్రస్తుత షెడ్యూల్లో మొత్తం 694 మ్యాచ్లు కాగా 2023-27 ఎఫ్‌టీపీలో 777కి పైగా మ్యాచ్లు ఉన్నాయి. వాటిలో 173 టెస్టులు, 281 వన్డేలు, 323 టీ20 మ్యాచ్లు ఉన్నాయి. వన్డే ఫార్మాట్‌ ప్రాభవం కోల్పోతుందని.. మ్యాచ్లు తగ్గించాలని పలువురు చెబుతున్న వేళ.. ఐసీసీ కుదించకపోవడం విశేషం.