Yuvraj Singh: టీమ్ఇండియా రెండు ప్రపంచకప్‌లను గెలవడంలో కీలక పాత్ర పోషించిన ఆటగాళ్లలో యువరాజ్ సింగ్ ఒకడు. తెల్ల బంతి క్రికెట్‌లో ఎన్నో రికార్డులను తన ఖాతాలో వేసుకున్నాడు. ఒకే ఓవర్‌లో ఆరు సిక్సర్లు, తక్కువ బంతుల్లో అర్ధ శతకం.. ఇలా తన ఆల్‌రౌండ్ ప్రదర్శనతో ఆకట్టుకున్నాడు. అయితే టెస్టు ఫార్మాట్‌కు వచ్చేసరికి పెద్దగా అవకాశాలూ రాలేదు. వచ్చినప్పుడు ఫర్వాలేదనిపించాడు.
సచిన్‌, సెహ్వాగ్‌, ద్రవిడ్, లక్ష్మణ్‌, గంగూలీ వంటి హేమాహేమీలు ఉన్న సమయంలో యువరాజ్ అడపాదడపా జట్టులోకి వచ్చేవాడు. అయితే టీమ్ఇండియా తరఫున వంద టెస్టులను ఆడాలనే కోరిక తనకుండేదని మనసులోని మాటను యువరాజ్ బయటపెట్టాడు. టెస్టు క్రికెట్‌ ఎక్కువగా ఆడలేకపోవడానికి గల కారణాలను కూడా వెల్లడించాడు.