టీ20 ఫార్మాట్(T20 format)ను తానెంతగానో ఇష్టపడతానని అంటున్నాడు దిగ్గజ క్రికెటర్ సునీల్ గావస్కర్(Sunil Gavaskar). మూడు గంటలపాటు ఉత్కంఠగా సాగే మ్యాచ్ను ఆసక్తిగా చూస్తానని చెప్పాడు. దక్షిణాఫ్రికా మాజీ బ్యాట్స్మన్ ఏబీ డివిలియర్స్ లాగా ప్రతి ఒక్క బ్యాట్స్మన్ అన్ని షాట్లు అడగలగాలని తెలిపాడు.
"నా సమయంలో ఆడిన చాలామంది ఆటగాళ్లకు టీ20 ఫార్మాట్ అంటే నచ్చదు. కానీ, పొట్టి ఫార్మాట్ అంటే నాకిష్టం. కేవలం మూడు గంటల ఆటలో ఫలితం వస్తుంది. ఉత్కంఠభరితంగా సాగుతుంది. టీ20 ఫార్మాట్ను ఇష్టపడటానికి అదే కారణం. ఎవరైనా స్విచ్ హిట్ లేదా రివర్స్ స్వీప్ షాడ్ ఆడితే కుర్చీలోంచి ఠక్కున లేచి నిల్చుంటా. అద్భుతమైన, నమ్మశక్య కాని షాట్లు అవి. ఆ షాట్లతో సిక్సర్లు రాబట్టడానికి చాలా నైపుణ్యం కావాలి.