యూఏఈ వేదికగా టీ20 ప్రపంచకప్(T20 World Cup 2021) జరగనున్న నేపథ్యంలో భారత జట్టులో చోటు సంపాదించాడు మిస్టరీ స్పిన్నర్ వరుణ్ చక్రవర్తి(Varun Chakravarthy News). జట్టుకు ఎంపికైన ఐదుగురు స్పిన్నర్లలో వరుణ్ ఒకడు. ఈ సందర్భంగా వ్యాఖ్యాత ఆకాశ్ చోప్రాతో మాట్లాడిన వరుణ్.. ఐపీఎల్లో ఆడటానికి, టీమ్ఇండియాకు ఆడటానికి చాలా తేడా ఉందని అన్నాడు. తొలిసారి భారత జట్టు తరఫున ఆడిన సందర్భాన్ని గుర్తుచేసుకున్నాడు.
"తొలిసారి టీమ్ఇండియా తరఫున ఆడిన తర్వాత రోజు నిద్ర పట్టలేదు. అసలు నమ్మశక్యంగా అనిపించలేదు. ముందు రోజు కూడా నిద్రపోలేదు. టీమ్ఇండియాలో ఆడటం ప్రత్యేక అనుభవం. బాధ్యతగా ఆడాలనే విషయం నాకు బాగా గుర్తొచ్చేది."
-వరుణ్ చక్రవర్తి, టీమ్ఇండియా స్పిన్నర్.