అప్ఘానిస్థాన్ క్రికెట్ జట్టుకు సారథిగా మళ్లీ బాధ్యతలు చేపట్టాలన్న ఆలోచన తనకు లేదని స్పష్టం చేశాడు ఆ దేశ స్పిన్బౌలర్ రషీద్ ఖాన్(Rashid Khan). ఇటీవల అస్గర్ అఫ్ఘాన్పై వేటు వేసిన బోర్డు.. టెస్టు, వన్డేలకు హస్మతుల్లా షాహిదిని సారథిగా, రహ్మత్ షాను వైస్ కెప్టెన్గా నియమించింది. ఈ నేపథ్యంలో టీ20 ఫార్మాట్కు సారథిగా రషీద్ను తీసుకుంటుందని అభిమానులు ఆశించారు. కానీ అతడిని వైస్ కెప్టెన్గా ఎంపిక చేసి.. ఆ ఫార్మాట్కు ఇంకా సారథిని నియమించలేదు. ఈ నేపథ్యంలో ఓ ఇంటర్వ్యూలో పాల్గొన్న రషీద్.. తనకు కెప్టెన్సీపై ప్రస్తుతం మోజు లేదని అన్నాడు. ఆ పగ్గాలు అందుకుంటే తన ప్రదర్శనపై ప్రభావం పడుతుందని చెప్పాడు.
Rashid Khan: 'మళ్లీ ఆ బాధ్యతలు వద్దు' - అప్ఘానిస్థాన్ బౌలర్ రషీద్ ఖాన్ కెప్టెన్సీ
జాతీయ జట్టుకు మరోసారి కెప్టెన్గా వ్యవహరించాలని తాను భావించట్లేదని అన్నాడు ఆ దేశ క్రికెటర్ రషీద్ ఖాన్(Rashid Khan). సారథి బాధ్యతలు స్వీకరిస్తే తన ప్రదర్శనపై ప్రభావం పడే అవకాశముందని చెప్పాడు.
రషీద్ ఖాన్
"ఓ ఆటగాడిగా జట్టు కోసం మంచి ప్రదర్శన చేయాలని అనుకుంటున్నాను. కెప్టెన్గా ఉండి పలు విషయాలపై దృష్టి సారించడం కన్నా ఓ ఆటగాడిగా నా ప్రదర్శన టీమ్కు చాలా అవాసరం. త్వరలోనే ఎంతో ముఖ్యమైన ప్రపంచకప్ రాబోతుంది. కాబట్టి కెప్టెన్గా ఉంటే నా ఆటపై ప్రభావం పడొచ్చు. కాబట్టి ఆ బాధ్యతలు స్వీకరించాలనుకోవట్లేదు. ఓ ప్లేయర్గా చాలా సంతోషంగా ఉన్నాను. బోర్డు ఏ నిర్ణయం తీసుకున్నా.. దానికి నా మద్దతు ఉంటుంది." అని రషీద్ అన్నాడు. రషీద్ ఖాన్.. వన్డేల్లో(ఏడు), టెస్టుల్లో(రెండు), టీ20ల్లో ఏడుసార్లు కెప్టెన్గా వ్యవహరించాడు.
ఇదీ చూడండి 'బుమ్రా బౌలింగ్ టెక్నిక్ అతడికే ప్రమాదం'