న్యూజిలాండ్‌పై రెండో టీ20(Ind vs NZ t20) మ్యాచ్‌లో భారత్‌ జట్టు తరఫున అరంగేట్రం చేసిన హర్షల్ పటేల్(harshal patel news) ప్రదర్శనపై క్రికెటర్ల నుంచి ప్రశంసలు కురుస్తున్నాయి. కివీస్‌ను కట్టడి చేయడంలో హర్షల్ (2/25) కీలక పాత్ర పోషించి మ్యాన్‌ ఆఫ్‌ ది మ్యాచ్‌ అవార్డు అందుకున్నాడు. డెత్ ఓవర్లలో అత్యంత ప్రభావవంతంగా బౌలింగ్ చేశాడు. హర్షల్(harshal patel news) బౌలింగ్ ప్రదర్శనపై స్పందించిన ఉతప్ప(robin uthappa news) అతడిపై ప్రశంసల వర్షం కురిపించాడు..
"బుమ్రాతో కలిసి హర్షల్(harshal patel news) డెత్ ఓవర్లలో (ఆఖరి ఐదు ఓవర్లు) ప్రమాదకరంగా మారతాడు. ఇది భారత టీ20 జట్టుకు ఎంతో బలం. ఒత్తిడి పరిస్థితుల్లోనూ బంతిని చక్కటి స్థానంలో సంధించే నైపుణ్యం హర్షల్ సొంతం. మరీ ముఖ్యంగా చెప్పాలంటే కివీస్‌తో మ్యాచ్‌లో తన రెండో ఓవర్‌ తొలి బంతికే ఫిలిప్స్‌ భారీ సిక్సర్‌ కొట్టాడు. రెండో బంతికి నోబాల్‌గా వేశాడు. అయితే అక్కడే హర్షల్ నైపుణ్యం బయటపడింది. అద్భుతంగా పుంజుకుని ఫ్రీహిట్ బంతిని డాట్‌ చేసి.. తర్వాతి బంతికే ఫిలిప్స్‌ను ఔట్‌ చేశాడు" అని వివరించాడు ఉతప్ప(robin uthappa news).