Hardik Pandya World Cup 2023 :వన్డే ప్రపంచకప్లో తమ సత్తా చాటిన టీమ్ఇండియా ఇప్పుడు ఫైనల్స్లోకి అడుగుపెట్టింది. మహమ్మద్ షమీ, విరాట్ కోహ్లి, శ్రేయస్ అయ్యర్ లాంటి ప్లేయర్లు చెలరేగడం వల్ల భారత జట్టు ఈ ప్రతిష్టాత్మక విజయాన్ని అందుకుంది. దీంతో ఇప్పుడు రోహిత్ సేనపై నెట్టింట సర్వత్ర ప్రశంసల జల్లు కురుస్తోంది. దీంతో వారందరూ సోషల్ మీడియాలో తెగ ట్రెండ్ అవుతున్నారు. అయితే తాజాగా టీమ్ఇండియా ప్లేయర్ హార్దిక్ పాండ్యా పేరు తెరపైకి వచ్చింది. దీంతో జట్టు ప్లేయర్లతో పాటు హార్దిక్ పేరు కూడా నెట్టింట తెగ మారుమోగిపోతోంది.
ఇంతకీ ఏం జరిగిందంటే..
Hardik Pandya India Vs Newzealand :గాయం కారణంగా మ్యాచ్కు దూరమైన హార్దిక్ ప్రస్తుతం చికిత్సతో పాటు విశ్రాంతి తీసుకుంటున్నాడు. దీంతో ఎక్కడా కనిపించని ఈ స్టార్ ప్లేయర్.. ముంబయి వేదికగా న్యూజిలాండ్తో కనిపించిన మ్యాచ్లో ప్రత్యక్షమయ్యాడు. స్టాండ్స్లో మిగతా సెలబ్రిటీలతో కూర్చుని మ్యాచ్ను వీక్షించాడు. అయితే ఆ సమయంలో తను కొబ్బరి బోండం తాగుతూ చిల్ అవుతున్నట్లు కనిపించాడు. దీంతో కొంత మంది ఫ్యాన్స్ హార్దిక్ కనిపించడం పట్ల ఆనందం వ్యక్తం చేస్తే.. మరికొందరేమో అతడిపై ఫన్నీ కామెంట్స్ చేస్తున్నారు. హార్దిక్ పాండ్య గాయపడటం వల్లే భారత్ ఈ స్థాయిలో విజయాలు సాధిస్తోందని.. హార్దిక్ స్థానంలో జట్టులోకి వచ్చిన షమీ అద్భుతాలు చేస్తుండటమే దీనికి కారణమని అంటున్నారు. అందుకే తాను గాయపడి షమీ ఆడేందుకు అవకాశం కల్పించిన హార్దిక్కు అభిమానులు ఫ్యాన్స్ థ్యాంక్స్ చెబుతున్నారు. కొందరైతే హార్దిక్ను 'మ్యాన్ ఆఫ్ ది టోర్నమెంట్' అంటూ సరదాగా పోస్టులు పెడుతున్నారు.