క్రికెట్ మ్యాచ్ ప్రారంభానికి ముందు ఇరుజట్ల ఆటగాళ్లు ఆయా దేశాల జాతీయ గీతాలను ఆలపించడం మాములే. అయితే ప్రత్యర్థి జట్టు గీతాన్ని పాడడం ఇంతవరకు మీరు ఎప్పుడూ చూసి ఉండరు. అయితే శ్రీలంకతో తొలి టీ20 సందర్భంగా టీమ్ఇండియా ఆల్రౌండర్ హర్దిక్ పాండ్య లంక జాతీయ గీతాన్ని పాడాడు. ఈ వీడియో ప్రస్తుతం వైరల్గా మారింది.
ఈ మ్యాచ్లో టీమ్ఇండియా 38 పరుగుల తేడాతో గెలుపొందింది. ఇప్పటికే వన్డే సిరీస్ను 2-1తో కైవసం చేసుకున్న ధావన్ సేన.. పొట్టి సిరీస్లోనూ శుభారంభం చేసింది. అయితే ఆల్రౌండర్ హర్దిక్ పాండ్య తొలి టీ20లో ఆకట్టుకోలేకపోయాడు. బ్యాటింగ్లో కేవలం 10 పరుగులే చేసి ఔటయ్యాడు. బౌలింగ్లో రెండు ఓవర్లు వేసి, 17 పరుగులిచ్చి ఒక వికెట్ తీశాడు.
థాంక్యూ హర్దిక్..