'మిడిలార్డర్​లో పాండ్యకు ఎవరూ సరితూగలేరు'

భారత జట్టు మిడిలార్డర్​ ఆటగాడు హార్దిక్ పాండ్యపై కీలక వ్యాఖ్యలు చేశాడు శ్రీలంక మాజీ క్రికెటర్ రస్సెల్ ఆర్నాల్డ్. భారత్-శ్రీలంక మధ్య సిరీస్​ ఆదివారం ప్రారంభం కానున్న నేపథ్యంలో ఈ వ్యాఖ్యలకు ప్రాధాన్యం సంతరించుకుంది.

టీమ్​ ఇండియా ఆల్ రౌండర్ హార్దిక్ పాండ్యపై ఆసక్తికరమైన వ్యాఖ్యలు చేశాడు శ్రీలంక మాజీ క్రికెటర్ రసెల్ ఆర్నాల్డ్. లోవర్​ మిడిలార్డర్​లో హార్దిక్​ పాండ్య ఉత్తమ ఆటగాడని అభిప్రాయపడ్డాడు. భారత్​-శ్రీలంక మధ్య సిరీస్​ ఆదివారం ప్రారంభం కానున్న నేపథ్యంలో జరిగిన వర్చువల్​ కాన్ఫరెన్స్​లో ఈటీవీ-భారత్​ అడిగిన ప్రశ్నకు ఈ విధంగా సమాధానం ఇచ్చాడు ఆర్నాల్డ్.

రసెల్ ఆర్నాల్డ్

బౌలింగ్​ పరంగా కాకపోయినా బ్యాట్స్​మన్​గా అయినా పాండ్యను జట్టులో ఉంచుకోవడం అవసరమని ఆర్నాల్డ్ తెలిపాడు.

సర్జరీ అనంతరం 2019లో జట్టులోకి తిరిగొచ్చిన పాండ్య.. బ్యాటింగ్​లో రాణించినప్పటికీ బౌలింగ్​లో మెరుగైన ప్రదర్శన చేయలేదు. ఈ నేపథ్యంలో మిడిలార్డర్​ విషయంలో భారత్​ సతమతమవుతోంది.

"హార్దిక్ పాండ్య బ్యాట్​తో అద్భుతంగా రాణించగలడు. చివరి ఓవర్లో వచ్చినా ఆటను వేరే లెవల్​కు తీసుకెళ్లగలడు. శిఖర్ ధావన్, హార్దిక్​.. జట్టు కోసం ముందుండి రాణిస్తారు. పృథ్వీ షా కూడా మెరుగ్గా ఆడగలడని నా అభిప్రాయం."

--రసెల్ ఆర్నాల్డ్, శ్రీలంక మాజీ క్రికెటర్.

భారత జట్టుతో తలపడం అంత సులభమేం కాదని చెప్పాడు రసెల్. అయితే.. భారత్​-శ్రీలంక మధ్య మ్యాచ్​ హోరాహోరీగా సాగడం ముఖ్యమని అన్నాడు. శ్రీలంక జట్టులో అవిష్క ఫెర్నాండో టాప్​ ఆర్డర్​లో ఉత్తమ ప్రదర్శన చేస్తాడని అభిప్రాయపడ్డాడు.

ఇదీ చదవండి:Hardik pandya: ప్రపంచకప్​లో కచ్చితంగా బౌలింగ్​ చేస్తా!