Pink Ball Test: భారత్-శ్రీలంక మధ్య త్వరలోనే పింక్ బాల్ టెస్టును నిర్వహించనున్నట్లు బీసీసీఐ అధ్యక్షుడు గంగూలీ వెల్లడించారు. భారత్లో శ్రీలంక పర్యటనలో భాగంగా బెంగళూరు వేదికగా ఈ మ్యాచ్ జరగనున్నట్లు చెప్పారు. అయితే మ్యాచ్ తేదీపై స్పష్టత ఇవ్వలేదు. ఈ నెలాఖరులో లేదా మార్చి మొదటి వారంలో శ్రీలంకతో సిరీస్ ఉంటుందని గంగూలీ పేర్కొన్నారు.
కేవలం పింక్ బాల్ టెస్టుకు మాత్రమే వేదిక ఖరారైందని.. మిగతా మ్యాచ్లు ఎక్కడ నిర్వహించాలో అనే విషయంపై త్వరలోనే నిర్ణయం తీసుకుంటామని గంగూలీ స్పష్టం చేశారు.
భారత్ పింక్ బాల్ టెస్టుకు ఆతిథ్యమివ్వడం ఇది మూడోసారి. 2019 నవంబరులో కోల్కతా వేదికగా బంగ్లాదేశ్తో తొలి పింక్బాల్ టెస్టు జరిగింది. గతేడాది ఫిబ్రవరిలో అహ్మదాబాద్ వేదికగా ఇంగ్లాండ్తో రెండో పింక్బాల్ టెస్టును ఆడింది టీమ్ఇండియా.