Rudi Koertzen Died: దక్షిణాఫ్రికాకు చెందిన దిగ్గజ క్రికెట్ మాజీ అంపైర్ రూడి కొయిర్ట్జెన్ ప్రాణాలు కోల్పోయారు. మంగళవారం ఉదయం జరిగిన కారు ప్రమాదంలో ఆయన చనిపోయినట్లు స్థానిక వెబ్సైట్ పేర్కొంది. 73 ఏళ్ల కొయిర్ట్జెన్.. దాదాపు 400 అంతర్జాతీయ క్రికెట్ మ్యాచ్లకు అంపైర్గా పనిచేశారు. 1990-2010 మధ్య గొప్ప అంపైర్గా పేరుగాంచారు. కొయిర్ట్జెన్కు భార్య, నలుగురు పిల్లలు ఉన్నారు.
రివర్స్డేల్ వద్ద జరిగిన రోడ్డు ప్రమాదంలో ఆయనతో సహా మరో ముగ్గురు ప్రాణాలు కోల్పోయారు. కేప్ టౌన్లో గోల్ఫ్ వీకెండ్ ముగించుకొని.. ఇంటికి తిరుగు పయనమైన సమయంలో ఈ దుర్ఘటన జరిగింది. తన తండ్రి మరణవార్తను రూడి కొయిర్ట్జెన్ జూనియర్ ధ్రువీకరించారు. కొయిర్ట్జెన్ మృతి పట్ల ప్రస్తుత, మాజీ క్రికెటర్లు, అంపైర్లు విచారం వ్యక్తం చేస్తున్నారు. ఆయన కుటుంబసభ్యులకు ప్రగాఢ సానుభూతి ప్రకటిస్తున్నారు.