ఆ విషయంలో సచినే బెటర్​ అంటా.. సెహ్వాగ్​ ఎలాంటోడో చెప్పిన దాదా

బీసీసీఐ మాజీ అధ్యక్షుడు సౌరబ్​ గంగూలీ.. ఓ ఇంటర్య్వూలో సచిన్​, సెహ్వాగ్​లపై కొన్ని ఆసక్తికర వ్యాఖ్యలు చే​​శాడు. ఏమన్నాడంటే..?

సెహ్వాగ్​తో కన్నా సచిన్​తో కలిసి తాను ఓపెనింగ్​ చేయడాన్ని బాగా ఆస్వాదిస్తానని తెలిపాడు బీసీసీఐ మాజీ అధ్యక్షుడు గంగూలీ. తాను ఉత్తమ ఆటగాడిగా మెరుగుపడటానికి మాస్టర్​ కారణమని చెప్పాడు. ఓ ఈవెంట్​లో పాల్గొన్న అతడు కొన్ని ఆసక్తికరమైన ప్రశ్నలకు ఈ సమాధానాలు చెబుతూ ఈ విషయాన్ని తెలిపాడు.

సచిన్​ చాలా మంచివాడు కానీ సెహ్వాగ్​ కఠినమైన వ్యక్తి. నన్ను ఓ ఉత్తమమైన ఆటగాడిగా తీర్చిదిద్దాడు. అతడంటే నాకెంతో ప్రత్యేకం. చాలా దగ్గరిగా అతడిని చూశాను. ఓ సారి సచిన్​కు పక్కటెముకల్లో గాయమైంది. కానీ అతడు సైలెంట్​గానే ఉన్నాడు. కేవలం పరుగులపైనే దృష్టి పెట్టాడు. తర్వాత రోజు ఉదయాన్నే రిబ్స్​లో ఫ్రాక్చర్​ మరింత ఎక్కువైంది. అప్పటికీ 'నువ్వు బాగానే ఉన్నావా' అని నేను అతడిని అడిగాను. బాగానే ఉన్నాను అని సమాధానమిచ్చాడు. . ఏమీ జరగనట్టు కామ్​గానే ఉన్నాడు తప్ప ఏమీ మాట్లాడలేదు. ఆటలో అతడికి ఉన్న నిబద్ధతకు ఇది నిదర్శనం. అందుకే అతడంటే నాకు ఎంతో ప్రత్యేకం. నాకు ఆదర్శంగా నిలిచాడు." అని దాదా పేర్కొన్నాడు.

ఇంకా ఇంగ్లాండ్​ కన్నా ఆస్ట్రేలియాతోనే టెస్ట్​ ఆడటం ఛాలెంజింగ్​గా ఉంటుందని చెప్పాడు. బీసీసీఐ ప్రెసిడెంట్​గా బాధ్యతలు నిర్వర్తించడం కన్నా ఓ క్రికెటర్​గా జాతీయ జట్టుతో కలిసి ఆటడమే తనకిష్టమని వెల్లడించాడు. అలాగే 2022 లార్డ్స్​లో నాట్​వెస్ట్ కప్​ ఫైనల్​లో గెలిచిన విజయం కన్నా 2001 స్వదేశంలో కోల్​కతా టెస్ట్​లో సాధించిన విజయమే ఎప్పటికీ తనకు ప్రత్యేకమని చెప్పాడు. ఆ గెలుపు జట్టులో ఆత్మవిశ్వాసాన్ని పెంచిందని పేర్కొన్నాడు.

ఇక నాయకత్వం గురించి మాట్లాడుతూ.. "నాయకత్వం అంటే ముఖ్యంగా ఎదుటివారి మాటలను వినడం. అభిప్రాయాల్ని తెలుసుకోవడం. హైవేలా నా మాటే చెల్లాలి అంటూ దూసుకెళ్లడం కాదు. అందరి గురించి ఆలోచించి కలుపుకోని పోవాలి. సరైన ప్రతిభను గుర్తించగలగాలి. వారికి అవకాశం ఇవ్వాలి. మన చుట్టూ ఉన్నవారు వారి అభిప్రాయాల్ని పంచుకునే స్వేచ్ఛను ఇవ్వాలి. మైండ్​ను కంట్రోల్​ చేయగలిగితే ఒత్తిడిని హ్యాండిల్​ చేయగలం." అని దాదా అన్నాడు.

ఇంకా లంక దిగ్గజ స్పిన్నర్​ మురళిధరన్​ గురించి మాట్లాడాతూ.. తన కెరీర్​లో చూసిన మంచి ఆటగాడని అన్నాడు దాదా. అతడు తన పీడకలగా మారాడని చెప్పాడు. "వయసు పెరిగే కొద్దీ మురళి చాలా మెరుగైన ఆటగాడిగా పరిణితి చెందాడు. అతడిది చాలా కష్టపడేతత్వం" అని చెప్పుకొచ్చాడు.

ఇదీ చదవండి:T20 World Cup: ఫైనల్‌కు వరుణుడి ముప్పు.. మ్యాచ్‌ రద్దయితే ఏం జరుగుతుంది?