ఇంగ్లాండ్తో టీ20 సిరీసుకు టీమ్ఇండియా వేగంగా సన్నద్ధమవుతోంది. కోచ్‌ రవిశాస్త్రి, సహాయ సిబ్బంది ఆధ్వర్యంలో క్రికెటర్లు నెట్స్‌లో సాధన చేస్తున్నారు. పొట్టి క్రికెట్‌ సిరీసులో అదరగొట్టాలని తపిస్తున్నారు. శుక్రవారం తొలి మ్యాచ్‌ ఉండటం వల్ల మైదానంలో విపరీతంగా కసరత్తులు చేస్తున్నారు. ఇందుకు సంబంధించిన వీడియోను బీసీసీఐ ట్వీట్‌ చేసింది.
టీమ్ఇండియా యువ ఆల్‌రౌండర్‌ హార్దిక్ పాండ్యా, కీలక ఆటగాడు కేఎల్ రాహుల్ జట్టులో చేరడం వల్ల శిబిరం సందడిగా కనిపిస్తోంది. వారితో పాటు భువనేశ్వర్‌ కుమార్‌, శిఖర్‌ ధావన్‌, ఇషాన్‌ కిషన్‌, శ్రేయస్‌ అయ్యర్‌, రోహిత్‌ శర్మ, యుజ్వేంద్ర చాహల్‌, నవదీప్‌ సైనీ, శార్దూల్‌ ఠాకూర్‌ మంచి జోష్‌లో కనిపించారు. రిషబ్ పంత్‌, విరాట్‌ కోహ్లీ బ్యాటింగ్‌ ప్రాక్టీస్ చేయగా.. ఇక కేఎల్ రాహుల్ బ్యాటింగ్‌, ఫీల్డింగ్‌, క్యాచులు సాధన చేశారు.