పంత్​ను ఎవరితోనూ పోల్చలేను: రవిశాస్త్రి

భారత యువ క్రికెటర్​ రిషబ్​ పంత్​పై ఆ జట్టు ప్రధానకోచ్​ రవిశాస్త్రి ప్రశంసలు కురిపించాడు. గత రెండు నెలలుగా తన ప్రదర్శనతో జట్టులో కీలకమైన ఆటగాడిగా మారాడని అన్నాడు. బ్యాటింగ్​లో రాణించడం సహా కీపింగ్​లోనూ పంత్​ మెరుగయ్యాడని ఆయన వెల్లడించాడు.

టీమ్ఇండియా యువ బ్యాట్స్​మన్​ రిషబ్​ పంత్​.. గత రెండు నెలలుగా అద్భుతంగా రాణిస్తున్నాడని ఆ జట్టు ప్రధాన్​కోచ్​ రవిశాస్త్రి అన్నాడు. భారత జట్టుకు అతడు చేసిన సేవలను వేరొకరితో పోల్చలేనని తెలిపాడు. కీపింగ్​లోనూ పంత్​ మెరుగ్గా ఉన్నాడని వెల్లడించాడు.

"ఐపీఎల్​ తర్వాత పంత్​ సరైన నైపుణ్యంతో జట్టులోకి వచ్చాడు. అందరి కంటే ఎక్కువగా కష్టపడి ప్రాక్టీస్​ చేశాడు. తన ప్రదర్శనతో ప్రపంచానికి తానంటే చూపించాడు. గత రెండు నెలల్లో టీమ్ఇండియాకు అతడు ఏం చేశాడో.. జీవితకాలంలో ఏ ఆటగాడు అలాంటి మెరుగైన ప్రదర్శన ఇవ్వలేదని నేను భావిస్తున్నా. కీపింగ్​లోనూ అతడు అత్యుత్తమంగా ఉన్నాడు."

- రవిశాస్త్రి, టీమ్ఇండియా ప్రధానకోచ్​

జనవరిలో ఆస్ట్రేలియాతో జరిగిన టెస్టు సిరీస్​లో టీమ్ఇండియాకు దక్కిన విజయంలో యువ బ్యాట్స్​మన్​ రిషబ్​ పంత్​దే కీలకపాత్ర. ప్రస్తుతం ఇంగ్లాండ్​తో జరిగిన టెస్టు సిరీస్​లో ఒక సెంచరీతో పాటు రెండు అర్ధ సెంచరీలను నమోదు చేశాడు. కష్ట సమయాల్లో పరుగులు రాబడుతూ జట్టులో మెరుగైన ఆటగాడిగా గుర్తింపు తెచ్చుకున్నాడు.

ఇంగ్లాండ్​తో జరిగిన టెస్టు సిరీస్​లో 3-1తో టీమ్​ఇండియా గెలుపొందింది. ఈ విజయంతో ప్రపంచ టెస్టు ఛాంపియన్​షిప్​లో కోహ్లీ సేన అడుగుపెట్టింది. లార్డ్స్​ వేదికగా జరగనున్న ఐసీసీ టెస్టు ఛాంపియన్​షిప్​ ఫైనల్​లో న్యూజిలాండ్​తో టీమ్ఇండియా​ తలపడనుంది.

ఇదీ చూడండి:ఇంగ్లాండ్ ఓటమికి కారణమదే: గావస్కర్​