ఇంగ్లాండ్ మాజీ కెప్టెన్ మైకేల్ వాన్ మరోసారి టీమ్ఇండియాపై విమర్శలతో విరుచుపడ్డాడు. ఇంగ్లాండ్తో జరిగిన తొలి టీ20లో కోహ్లీసేన అతితక్కువ స్కోరుకే పరిమితమవ్వడంపై వాన్ స్పందిస్తూ.. భారత జట్టు కంటే ఐపీఎల్లో ముంబయి ఇండియన్స్ జట్టు ఎంతో మేలని ట్విట్టర్లో పేర్కొన్నాడు.
"భారత టీ20 జట్టు కంటే ముంబయి ఇండియన్స్ చాలా ఉత్తమమైన జట్టు" అని మైఖేల్ వాన్ ట్వీట్ చేశాడు.
టాస్ ఓడి బ్యాటింగ్ దిగిన టీమ్ఇండియా ఆరంభంలోనే మూడు వికెట్లు కోల్పోయింది. ఆ తర్వాత బ్యాటింగ్కు వచ్చిన శ్రేయస్ అయ్యర్ (67) అర్ధశతకంతో స్కోరు బోర్డును పరుగులు పెట్టించడంలో సహాయపడ్డాడు. ఇంగ్లాండ్ బౌలర్ల ధాటికి కోహ్లీసేన 7 వికెట్లు నష్టపోయి 124 పరుగులు చేసింది.
ఆ తర్వాత 125 పరుగులే లక్ష్యంగా బరిలో దిగిన మోర్గాన్ సేన రెండు వికెట్లు నష్టపోయి 15.3 ఓవర్లలో పూర్తిచేసింది. ఫలితంగా 8 వికెట్ల తేడాతో టీమ్ఇండియాపై విజయం సాధించింది.
ఇదీ చూడండి:ఇంగ్లాండ్ ఆల్రౌండ్ ప్రదర్శన.. భారత్కు తప్పని ఓటమి