ఇంగ్లాండ్తో జరుగుతున్న రెండో టెస్టులో భారత్ భోజన విరామ సమయానికి 3 వికెట్ల నష్టానికి 106 పరుగులు చేసింది. క్రీజులో రోహిత్ శర్మ(80), రహానె(5) ఉన్నారు. రెండో వికెట్కు 85 పరుగుల భాగస్వామ్యం నమోదు చేసింది రోహిత్, పుజారా జోడీ. ఈ జంట కుదురుకుంటున్న దశలో లీచ్ దెబ్బతీశాడు.
రోహిత్ ఒక్కడే..
ఓపెనర్ రోహిత్ ఎడాపెడా బౌండరీలు బాదుతూ వన్డే మ్యాచ్ను తలపిస్తున్నాడు. ఈ క్రమంలో అర్ధసెంచరీ పూర్తి చేసుకుని.. సెంచరీ దిశగా దూసుకెళ్తున్నాడు.
అంతకుముందు టాస్ గెలిచి బ్యాటింగ్ ఎంచుకున్న టీమ్ఇండియాకు ఆదిలోనే షాక్ తగిలింది. పరుగుల ఖాతా తెరవకుండానే రెండో ఓవర్ మూడో బంతికే గిల్ వికెట్ల ముందు దొరికిపోయాడు. ఒల్లీ స్టోన్ విసిరిన బంతిని అంచనా వేయడంలో పొరబడ్డ గిల్ కనీసం బ్యాట్ అడ్డుపెట్టే ప్రయత్నమూ చేయలేదు.
పుజారా.. జాక్ లీచ్ బౌలింగ్లో స్లిప్లో దొరికిపోయాడు. తర్వాత క్రీజులోకి వచ్చిన కోహ్లీ డకౌటయ్యాడు. అలీ బౌలింగ్లో డిఫెన్స్ ఆడే ప్రయత్నం చేయగా.. బంతి టర్న్ అయి వికెట్లను గిరాటేసింది. ఆశ్చర్యపోవడం విరాట్ వంతైంది.
ఇదీ చదవండి:ఎదురుచూపులకు తెర.. స్టేడియం కళకళ