రెండో టెస్టులో గెలుపొందిన టీమ్ఇండియాకు ఇంగ్లాండ్ మాజీ బ్యాట్స్మన్ కెవిన్ పీటర్సన్ తనదైన శైలిలో శుభాకాంక్షలు తెలిపాడు. ఇంగ్లాండ్-బీ జట్టుపై విజయం సాధించిన భారత జట్టుకు అభినందనలు అని వ్యంగంగా పేర్కొన్నాడు.
"ఇంగ్లాండ్-బీ జట్టుపై విజయం సాధించిన ఇండియా జట్టుకు శుభాకాంక్షలు" అంటూ ట్వీట్ చేశాడు.
చెన్నై టెస్టులో ఆల్రౌండర్ ప్రదర్శన చేసిన మొయిన్ అలీని మూడో టెస్టుకు పక్కన పెట్టడంపై పీటర్సన్ విస్మయం వ్యక్తం చేశాడు. ఇంగ్లాండ్ అండ్ వేల్స్ క్రికెట్ బోర్డుపై విమర్శలు గుప్పించాడు. బలమైన జట్టుపై ఆడుతున్నప్పుడు రొటేషన్ పాలసీని కొనసాగించడం వింతగా ఉందని తెలిపాడు.
'2005లో ఆస్ట్రేలియాపై అద్భుత సిరీస్ విజయం సాధించాం. తద్వారా దేశంలో క్రికెట్పై ఆదరణ పెరిగింది. ప్రస్తుత సిరీస్ ద్వారా ఆటపై ఇష్టం తగ్గుతుంది. ఒక టెస్టు ఆడిన తర్వాత మొయిన్ అలీ స్వదేశానికి వస్తున్నాడు. అద్భుతం' అంటూ కెవిన్ ఆశ్చర్యంగా తెలిపాడు.
'బలమైన జట్టుపై టెస్టు మ్యాచ్ గెలవాలంటే మంచి టీమ్ను ఎంపిక చేయాలి. కానీ, మీరలా చేయట్లేదు అంటూ' కెవిన్ అసంతృప్తి వ్యక్తం చేశాడు.