బర్మింగ్హామ్ వేదికగా ఇంగ్లాండ్తో జరిగిన మూడో వన్డేలో పాకిస్థాన్కు పరాభవం తప్పలేదు. ఈ మ్యాచ్ను స్టోక్స్ సేన 3 వికెట్ల తేడాతో గెలుపొందింది. దీంతో మూడు మ్యాచ్ల వన్డే సిరీస్ (England vs Pakistan)ను ఇంగ్లాండ్ క్లీన్స్వీప్ చేసింది. లక్ష్య ఛేదనలో సెంచరీతో కదం తొక్కిన జేమ్స్ విన్స్ (James Vince)కు మ్యాన్ ఆఫ్ ది మ్యాచ్ అవార్డు దక్కింది.
తొలుత బ్యాటింగ్కు దిగిన పాకిస్థాన్ నిర్ణీత ఓవర్లలో 9 వికెట్ల నష్టానికి 331 పరుగులు చేసింది. తొలి రెండు మ్యాచ్ల్లో విఫలమైన కెప్టెన్ బాబర్ అజామ్(139 బంతుల్లో 158 పరుగులు) (Babar Azam) ఎట్టకేలకు ఈ మ్యాచ్లో భారీ సెంచరీ చేశాడు. అతడికి తోడు ఓపెనర్ ఇమామ్ ఉల్ హక్(73 బంతుల్లో 56 పరుగులు), మహ్మద్ రిజ్వాన్(58 బంతుల్లో 74 పరుగులు) అర్ధ సెంచరీలు చేశారు. ఇంగ్లాండ్ బౌలర్లలో బ్రైడాన్ కార్సే 5, సకిబ్ మహ్మద్ 3 వికెట్లతో మెరిశారు.