ENG VS WI T20 Series: ఇంగ్లాండ్తో నామమాత్రపు ఐదో టీ20లో వెస్టిండీస్ విజయం సాధించింది. 17 పరుగుల తేడాతో గెలుపొందింది. దీంతో 5 టీ20ల సిరీస్ను 3-2తేడాతో విండీస్ కైవసం చేసుకుంది. ఆదివారం జరిగిన చివరి మ్యాచ్ విజయంలో జేసన్ హోల్డర్ కీలకంగా వ్యవహరించాడు. చివరి ఓవర్లో నాలుగు బంతుల్లో నాలుగు వికెట్లు పడగొట్టి అదరగొట్టాడు. హోల్డర్కు ప్లేయర్ ఆఫ్ ది మ్యాచ్ అవార్డు వరించింది.
180 పరుగుల లక్ష్యంతో బరిలో దిగిన ఇంగ్లాండ్ కేవలం 19.5 ఓవర్లలో 162 పరుగులకే ఆలౌటైంది. ఇంగ్లాండ్ బ్యాటరల్లో జేమ్స్ విన్స్(55), బిల్లింగ్స్(41) టాప్ స్కోరర్. మిగతా వారు విఫలమయ్యారు. విండీస్ బౌలర్లలో హోల్డర్ 5, అకీల్ హొసేన్ 4 వికెట్లు తీశారు.
అంతకుముందు టాస్ గెలిచి బ్యాటింగ్కు చేసిన వెస్టిండీస్ నిర్ణీత 20 ఓవర్లో నాలుగు వికెట్లు కోల్పోయి 179 రన్స్ చేసింది. కెప్టెన్ పొలార్డ్(41), రోవ్మన్ పొవెల్(35), బ్రాండన్ కింగ్(34) రాణించారు. ఇంగ్లాండ్ బౌలర్లలో ఆదిల్ రషీద్, లివింగ్స్టోన్ తలో రెండు వికెట్లు దక్కించుకున్నారు.