నాటింగ్హామ్ టెస్టు రెండో ఇన్నింగ్స్లో ఇంగ్లాండ్ 303 పరుగులకు ఆలౌటైంది. కోహ్లీ సేన ముందు 209 పరుగుల లక్ష్యాన్ని నిలిపింది. టీమ్ఇండియా బౌలర్లలో బుమ్రా 5 వికెట్లతో మెరిశాడు. సిరాజ్, ఠాకుర్ తలో రెండు వికెట్లు తీశారు.
Eng vs Ind: ఇంగ్లాండ్ 303 ఆలౌట్.. భారత లక్ష్యం 209
భారత్తో జరుగుతున్న తొలి టెస్టు రెండో ఇన్నింగ్స్లో ఇంగ్లాండ్ 303 పరుగులకు ఆలౌటైంది. కోహ్లీ సేన ముందు 209 పరుగుల లక్ష్యాన్ని నిలిపింది రూట్ సేన. టీమ్ఇండియా బౌలర్లలో బుమ్రా 5, సిరాజ్ 2, ఠాకుర్ 2 వికెట్లతో రాణించారు. ఆతిథ్య జట్టులో కెప్టెన్ రూట్ సెంచరీ చేశాడు.
ఇండియా vs ఇంగ్లాండ్
235/5తో టీ విరామానికి వెళ్లిన ఇంగ్లాండ్ మరో 68 పరుగులు చేసి రెండో ఇన్నింగ్స్లో ఆలౌటైంది. కెప్టెన్ జో రూట్ సుదీర్ఘ ఫార్మాట్లో 21వ శతకాన్ని నమోదు చేశాడు. కాసేపటికే జోస్ బట్లర్ను ఠాకుర్ వెనక్కి పంపాడు. తర్వాత క్రీజులోకి వచ్చిన సామ్ కరన్ దూకుడుగా ఆడాడు. సారథి రూట్తో కలిసి ఏడో వికెట్కు 37 పరుగులు జోడించాడు. కుదురుకుంటున్న ఈ జోడిని బుమ్రా విడదీశాడు. తర్వాత వచ్చిన వారెవరూ అంతగా ఆకట్టుకోలేకపోయారు. దీంతో 303 పరుగుల వద్ద ఆతిథ్య టీమ్ ఇన్నింగ్స్కు తెరపడింది.
Last Updated : Aug 7, 2021, 10:49 PM IST