ఢాకా టీ20 లీగ్లో భాగంగా ఫీల్డ్ అంపైర్తో అనుచితంగా ప్రవర్తించిన బంగ్లా స్టార్ ఆల్రౌండర్ షకిబుల్ హసన్పై.. పలువురు ఆటగాళ్లతో పాటు అభిమానులు విమర్శలు కురిపిస్తున్నారు. ఈ క్రమంలోనే జెంటిల్మన్ గేమ్లో ఇలాంటి ఆటగాళ్లు అవసరమా? అంటూ ప్రశ్నించింది ఆస్ట్రేలియా మహిళా మాజీ క్రికెటర్ లీసా స్థలేకర్. బంగ్లా యువ ఆటగాళ్లు అతన్ని అనుసరించవద్దని కోరింది.
"యువ క్రికెటర్లు ముఖ్యంగా బంగ్లాకు చెందిన వారు.. షకిబ్ను అనుసరించరని అనుకుంటున్నా! మొదట అన్ని ఫార్మాట్ల క్రికెట్ నుంచి నిషేధం(రెండేళ్లు, ఇందులో ఒక ఏడాది సస్పెండ్) అయినా కూడా.. ఈ రోజు మరోసారి అతిగా ప్రవర్తించాడు. గేమ్లో ఇలాంటి ఆటగాళ్లు అవసరమా? మీ ఆలోచనలను తెలుసుకోవాలని ఉంది."