Djokovic Virat Kohli Friendship:టీమ్ఇండియా స్టార్ బ్యాటర్ విరాట్ కోహ్లీతో తనకు మంచి సన్నిహిత్యం ఉందన్నాడు సెర్బియన్ టెన్నిస్ దిగ్గజ ఆటగాడు నొవాక్ జకోవిచ్. తాజాగా సోనీ స్పోర్ట్స్ 5లో లైవ్లో మాట్లాడిన జకోవిచ్ ఈ విషయం చెప్పాడు. 'విరాట్ కోహ్లీతో గత కొన్నేళ్లుగా నేను చాట్ (మెసేజ్) చేస్తున్నా. కానీ, మేమిద్దరం కలిసే ఛాన్స్ ఇప్పటిదాకా రాలేదు. విరాట్ తన కెరీర్లో ఎంతో సాధించాడు. అతడిని నేను ఎప్పుడూ అభినందిస్తా. విరాట్తో మాట్లాడడం గౌరవంగా భావిస్తున్నా. భారత్, ఆస్ట్రేలియాలో క్రికెట్ అతి పెద్ద క్రీడా. నేనూ క్రికెట్ ఆడడం ప్రారంభించాను. కానీ, అంత గొప్పగా ఏమీ ఆడను. క్రికెట్ గేమ్లో పర్ఫెక్ట్ అయ్యాక భారత్కు వెళ్తా' అని జకోవిచ్ అన్నాడు. దీంతో ఈ వీడియోను విరాట్ ఫ్యాన్స్ తెగ వైరల్ చేస్తున్నారు.
Novak Djokovic 2023:2023లో యుఎస్‌ ఓపెన్, ఆస్ట్రేలియన్ ఓపెన్, ఫ్రెంచ్‌ ఓపెన్, డబ్ల్యూటీఏ టోర్నీ నెగ్గిన జకోవిచ్ నెం.1గా ఏడాదిని ముగించాడు. అసోషియేషన్ ఆఫ్ టెన్నిస్ ప్రొఫెషనల్స్ ర్యాంకింగ్స్లో ఎనిమిదోసారి అగ్రస్థానాన్ని సొంతం చేసుకున్నాడు. ఈ క్రమంలో జకోవిచ్ 402 వారాలు టాప్లో కొనసాగుతున్నాడు.
Novak Djokovic Cricket:జకోవిచ్ ప్రస్తుతం ఆస్ట్రేలియన్ ఓపెన్ ఛాంపియన్షిప్స్ ఆడుతున్నాడు. రీసెంట్గా ఈ టోర్నీ ఆస్ట్రేలియా స్టార్ బ్యాటర్ స్టీవ్ స్మిత్ వెళ్లాడు. ఈ నేపథ్యంలో జకోవిచ్ టెన్నిస్ కోర్టులో సరదాగా క్రికెట్ ఆడాడు. కాసేపు బ్యాటింగ్ చేసి అందర్నీ ఆకట్టుకున్నాడు.