వాంఖడే వేదికగా జరిగిన మ్యాచ్లో దిల్లీ క్యాపిటల్స్పై రాజస్థాన్ రాయల్స్ విజయం సాధించింది. 3 వికెట్ల తేడాతో గెలుపొంది ఈ సీజన్లో తొలి విజయం నమోదు చేసింది. విజయంలో డేవిడ్ మిల్లర్ (62), క్రిస్ మోరిస్(36) కీలక పాత్ర పోషించారు.
148 పరుగుల ఛేదన ప్రారంభించిన రాజస్థాన్కు ఆదిలోనే ఎదురుదెబ్బ తగిలింది. 3వ ఓవర్లో క్రిస్ వోక్స్ బౌలింగ్లో వరుసగా మనన్ వోహ్రా(9), జాస్ బట్లర్(2) రెండు వికెట్లను కోల్పోయింది. అనంతరం క్రీజులోకి వచ్చిన సంజు శాంసన్(4) కూడా 3.3 ఓవర్ 17 పరుగుల వద్ద వెనుదిరిగాడు. రబాడా బౌలింగ్లో ధావన్కు క్యాచ్ ఇచ్చి ఔట్ అయ్యాడు. ఆ తర్వాత శివమ్ దూబె(2), రియాన్ పరాగ్(2) కూడా వెంట వెంటనే పెవిలియన్ చేరారు. ఆరో వికెట్గా రాహల్ తెవాతియా(19) వెనుదిరిగాడు. డేవిడ్ మిల్లర్(62) ధనాధన్ బ్యాటింగ్తో ఇన్నింగ్స్ను చక్కదిద్దాడు.