Deepak Chahar Ruled Out :సౌతాఫ్రికా పర్యటనలో టీమ్ఇండియా ఆడనున్న మూడు మ్యాచ్ల వన్డే సిరీస్కు స్టార్ ప్లేయర్ దీపక్ చాహర్ దూరం అయ్యాడు. అతడి తండ్రి అత్యవసర వైద్య పరిస్థితి కారణంగా చాహర్ సఫారీ జట్టుతో వన్డే సిరీస్కు అందుబాటులో ఉండడని బీసీసీఐ తెలిపింది. అతడి స్థానాన్ని పేసర్ ఆకాశ్ దీప్తో భర్తీ చేయనున్నట్లు సెలెక్షన్ కమిటీ స్పష్టం చేసింది. సౌతాఫ్రికాతో తొలి వన్డే ఆడేరోజు వరకు అతడు టీమ్ఇండియాతో చేరనున్నాడు. కాగా, ఇరుజట్ల మధ్య డిసెంబర్ 17 నుంచి వన్డే సిరీస్ ప్రారంభం కానుంది. ఈ సిరీస్కు కేఎల్ రాహుల్ నాయకత్వం వహించనున్నాడు. మరోవైపు రెండు టెస్టు మ్యాచ్ల సిరీస్కు స్టార్ పేసర్ మహ్మద్ షమీ దూరం కానున్నట్లు బీసీసీఐ అధికారికంగా ప్రకటించింది.
వన్డే సిరీస్ షెడ్యూల్
- తొలి వన్డే- డిసెంబరు 17- జొహన్నెస్‌బర్గ్‌ మధ్యాహ్నం 1.30
- రెండో వన్డే- డిసెంబరు 19- కెబెరా మధ్యాహ్నం 4:30
- మూడో వన్డే- డిసెంబరు 21- పాల్ మధ్యాహ్నం 4:30
వన్డే సిరీస్కు భారత్ జట్టు : కేఎల్ రాహుల్ (కెప్టెన్/వికెట్ కీపర్), రుతురాజ్ గైక్వాడ్, సాయి సుదర్శన్, తిలక్‌ వర్మ, శ్రేయస్ అయ్యర్, సంజూ శాంసన్ (వికెట్ కీపర్), రజత్‌ పతీదార్‌, రింకు సింగ్‌, అక్షర్ పటేల్, వాషింగ్టన్ సుందర్, యుజ్వేంద్ర చాహల్, కుల్‌దీప్ యాదవ్, ముకేశ్‌ కుమార్, అవేశ్‌ ఖాన్‌, అర్ష్‌దీప్‌ సింగ్‌, ఆకాశ్ దీప్