David Warner Virat Kohli: ఆస్ట్రేలియా ఓపెనర్ డేవిడ్ వార్నర్ సోషల్ మీడియాలో యాక్టివ్గా ఉంటాడు. టాలీవుడ్ పాటలను మిమిక్ చేసి, కొన్ని పాటలకు డ్యాన్స్ చేసి తెలుగు సినీ ప్రేమికులకు కూడా దగ్గరయ్యాడు. తాజాగా టీమ్ఇండియా టెస్టు సారథి విరాట్ కోహ్లీపై కంప్లైంట్ ఇచ్చాడు వార్నర్. అసలేం జరిగిందంటే..
కాపీ చేశావ్ అంటూ..
'డిజిట్' పేరుతో ఉన్న ఇన్సూరెన్స్ స్టార్టప్ కోసం విరాట్ యాడ్ చేశాడు. ఇన్స్టా వేదికగా దీన్ని పోస్ట్ చేశాడు. అయితే.. ఇందులో విరాట్ డ్యాన్స్ చేసిన తీరుపై వార్నర్ సరదాగా కామెంట్ చేశాడు. 'నా డ్యాన్స్ మూవ్స్ కాపీ చేశావ్' అని వార్నర్ రిప్లై ఇచ్చాడు. దీనిపై నెటిజన్లు భిన్నంగా స్పందిస్తున్నారు.
ఇటీవలే వార్నర్.. టాలీవుడ్ సినిమా 'పుష్ప'లోని 'ఏయ్ బిడ్డా.. ఇది నా అడ్డా' సాంగ్ను మిమిక్ చేశాడు. దీనిపై విరాట్ 'ఏమైంది మేట్?.. నువ్వు బాగానే ఉన్నావా?' అని కామెంట్ చేశాడు. దీనికి వార్నర్ కూడా సరదాగా రిప్లై ఇచ్చాడు. అయితే.. వార్నర్ పోస్ట్ చేసిన వీడియో సోషల్ మీడియాలో తెగ వైరల్ అయింది.