సామాజిక మాధ్యమాల్లో ఎల్లప్పుడూ అభిమానులను అలరించే ఆస్ట్రేలియా స్టార్ ప్లేయర్ డేవిడ్ వార్నర్.. మరోసారి ఓ కొత్త వీడియోను పోస్టు చేశాడు. ప్రముఖ తమిళ హీరో ధనుష్ నటించిన 'మారి-2' సినిమాలోని 'రౌడీ బేబీ' పాటతో అలరించాడు. "డిమాండ్ వల్ల ఈ పాట చేశా. పేరు చెప్పుకోండి," అంటూ తన ఇన్స్టా ఖాతాలో రాసుకొచ్చాడు.
దాదాపు నెలన్నర తర్వాత నెట్టింట ఈ తరహా పోస్టు పెట్టాడు వార్నర్. దీంతో అతడి అభిమానులు సరదాగా స్పందించారు. 'మళ్లీ మీరు తిరిగి రావడం బాగుందంటూ' అతడి ఫ్యాన్స్ కామెంట్ పెట్టారు. 'వార్నర్ భాయ్ ఈజ్ బ్యాక్' అంటూ మరో అభిమాని రిప్లై ఇచ్చాడు.