'రాములో రాములా' అంటూ వార్నర్ చిందులు

ఆసీస్ స్టార్ బ్యాట్స్​మన్​ డేవిడ్ వార్నర్​ మరో తెలుగు పాటకు చిందులేశాడు. తెలుగు హీరో అల్లు అర్జున్​ నటించిన 'రాములో రాములా' పాటకు డ్యాన్స్​లేసిన వీడియోను తన ఇన్​స్టాలో పోస్టు చేశాడు.

విధ్వంసకర బ్యాటింగ్​తో అభిమానులకు ఆనందాన్ని పంచే ఆసీస్ క్రికెటర్​ డేవిడ్​ వార్నర్.. కాస్తా ఖాళీ సమయం దొరికినా సామాజిక మాధ్యమాల్లో అలరిస్తుంటాడు. భారతీయ సినిమా పాటలకు స్టెప్పులు వేస్తూ ఫ్యాన్స్​కు వినోదాన్ని పంచుతుంటాడు.

తాజాగా మరో ఫేమస్​ తెలుగు పాటను తన ఇన్​స్టా ఖాతాలో పోస్ట్​ చేశాడు వార్నర్. తనకు అత్యంత ఇష్టమైన పాట అంటూ ఆ వీడియో కింద రాసుకొచ్చాడు. టాలీవుడ్​ హీరో అల్లు అర్జున్​ నటించిన 'రాములో రాములా' పాటకు చిందులేశాడు. ఇప్పుడు ఆ వీడియో తెగ వైరల్​గా మారింది.

ఈ పోస్ట్​పై చాలా మంది అభిమానులతో పాటు వార్నర్​ భార్య క్యాండీ వార్నర్ కూడా స్పందించింది. 'క్వారంటైన్​లో బోర్​ కొడుతుందా?' అంటూ అడిగింది. 'ఇప్పుడు నీకెలా అనిపిస్తుందో నాకు తెలుసు. ఈ 14 రోజులు నిన్ను పిచ్చిగా హింసిస్తాను' అని వార్నర్.. తన భార్యకు రిప్లై ఇచ్చాడు.

ఇదీ చదవండి:బోర్డుతో ముదురుతున్న ఆటగాళ్ల కాంట్రాక్ట్​ వివాదం!