ఖరీదైన కార్లు, లగ్జరీ లైఫ్- వార్నర్ నెట్​వర్త్ ఎంతో తెలుసా?

David Warner Net Worth: ఆస్ట్రేలియా స్టార్ బ్యాట‌ర్ డేవిడ్ వార్న‌ర్ రీసెంట్​గా ఇంటర్నేషనల్ క్రికెట్​కు వీడ్కోలు పలికి, ప్రస్తుతం టీ20లోనే కొనసాగుతున్నాడు. ఈ క్రమంలో దాదాపు 15 ఏళ్ల కెరీర్​లో వార్నర్ సంపాదించిన ఆస్తులు, అతడి నెట్​వర్త్​ మీకు తెలుసా?

David Warner Net Worth:ఆస్ట్రేలియా స్టార్ బ్యాట‌ర్ డేవిడ్ వార్న‌ర్ గ్రౌండ్​లో ఆటతోనే కాకుండా ఆఫ్​ ది ఫీల్డ్​లోనూ ఎంటర్​టైన్​ చేస్తుంటాడు. ఇక ఎండార్స్​మెంట్, అడ్వర్టైజ్​మెంట్స్​లోనూ వార్నర్ రూటే సపరేటు. అయితే దాదాపు 15 ఏళ్లుగా క్రికెట్​ కెరీర్​లో ఉన్న వార్నర్ అనేక కంపెనీలకు అంబాసిడర్​గా వ్యవహరించాడు. మరి ప్రస్తుతం వార్నర్ వార్షిక ఆదాయం (Annual Income), నెట్​ వర్త్​ ఎంతో తెలుసా?

కొన్నేళ్లుగా వార్న‌ర్ ఇటు అంత‌ర్జాతీయ క్రికెట్ ఆడుతూ అటు వివిధ లీగ్​ల్లో ఆయా జట్లకు ప్రాతినిధ్యం వహిస్తున్నాడు. ఈక్రమంలో ప్రతీ మ్యాచ్​కు ఫీజుతో పాటు, ఆస్ట్రేలియా క్రికెట్ బోర్డు వార్షిక వేతనం కూడా చెల్లిస్తుంది. ఇక క్రికెట్ ద్వారా కాకుండా ఇత‌ర మార్గాల్లోనూ వార్నర్ బాగానే వెన‌కేసుకున్నాడు. దీంతో వార్నర్ నెట్​ వర్త్ వ్యాల్యు (Net Worth Value) సుమారు13 మిలియన్ డాలర్లుగా ఉంది. ఇండియ‌న్ క‌రెన్సీలో రూ.106.60 కోట్లపై మాటే.

అయితే ఆస్ట్రేలియా క్రికెట్ బోర్డు వార్న‌ర్​కు ఏడాది జీతం కింద సుమారు రూ.8.4 కోట్ల ఫీజు చెల్లిస్తుంది. ఇది కాకుండా ఫార్మాట్​ను బట్టి మ్యాచ్​ మ్యాచ్​కు వార్నర్​కు ఫీజు రూపంలో క్రెడిట్ అవుతుంది. ఇవి కాకుండా డొమెస్టిక్ లీగ్​ల విషయానికొస్తే, వార్నర్ బిగ్​బాష్ లీగ్ (Big Bash League), ఐపీఎల్ (Indian Premier League)ల్లోనూ వార్నర్ ఆడుతుంటాడు. ఈ లీగ్​ల్లో ఆయా ఫ్రాంఛైజీలు కూడా వార్నర్​కు శాలరీ రూపంలో పెద్ద మొత్తం చెల్లిస్తాయి. ఈ నేపథ్యంలో వార్నర్ కేవలం ఐపీఎల్​ నుంచే ఇప్పటివరకు దాదాపు రూ. 83.50 కోట్లు ఆర్జించాడు.

ఇవి కాకుండా సిడ్నీ వార్నర్​కు విలాస‌వంత‌మైన ఇళ్లు ఉంది. ఈ ఇంటి ఖరీదు సుమారు రూ.66 కోట్లు. దీంతోపాటుగా వార్నర్ గ్యారేజ్​లో ప్రీమియం కార్లు కూడా ఉన్నాయి. అందులో మెక్‌లారెన్ 570S, లెక్సస్ RX350, లంబోర్గిని (Lamborghini) ఉన్నాయి. ఇక ASICS, LG, DSC, KFC, Channel Nine, Toyota, Make-a-Wish Foundation వంటి కంపెనీలకు వార్నర్ అంబాసిడర్​గానూ వ్యవహరిస్తున్నాడు.