David Warner IPL 2022: డేవిడ్ వార్నర్ అనగానే క్రికెట్ అభిమానులకు సన్రైజర్స్ హైదరాబాద్ గుర్తొస్తుంది. ఐపీఎల్లో సన్రైజర్స్ హైదరాబాద్కు వార్నర్ చేసిన సేవలు అలాంటివి. తన బ్యాటింగ్తో జట్టుకు ఎన్నో విజయాలు చేకూర్చాడు. 2016 ఐపీఎల్లో సన్రైజర్స్కు టైటిల్ తీసుకొచ్చాడు. కానీ ఆ తర్వాత 'సాండ్ పేపర్గేట్' వ్యవహారంలో దాదాపు ఏడాది పాటు క్రికెట్ ఆడలేదు. దాంతో 2018 ఐపీఎల్ సీజన్ నుంచి సన్రైజర్స్ వార్నర్ను పక్కకు పెట్టింది. కెప్టెన్సీ బాధ్యతల నుంచి కూడా తప్పించింది. అతని స్థానాన్ని న్యూజిలాండ్ ఆటగాడు కేన్ విలియమ్స్న్తో భర్తీ చేసింది.
అయితే.. ఈ ఆస్ట్రేలియన్ బ్యాటర్ ఐపీఎల్ 2022లో కొత్త గూటికి చేరాడు. గత కొన్నేళ్ల నుంచి ఐపీఎల్లో సన్రైజర్స్ తరపున కెప్టెన్ బాధ్యతలు చేపట్టిన ఈ ఆటగాడ్ని దిల్లీ క్యాపిటల్స్ సొంతం చేసుకుంది. ఈ సారి వేలంలో ఇతని కోసం రూ.6.25 కోట్లు వెచ్చించింది.