Dansuh Gunathilaka Rape Case : అత్యాచార కేసు.. నిర్దోషిగా బయటకొచ్చిన ప్రముఖ క్రికెటర్​

Dansuh Gunathilaka Rape Case : శ్రీలంకకు క్రికెటర్‌ దనుష్క గుణతిలకకు న్యాయస్థానంలో భారీ ఊరట లభించింది. అత్యాచారయత్న ఆరోపణల కేసులో క్రికెట్‌కు దూరమైన అతడు.. తాజాగా నిర్దోషిగా తేలాడు.

Dansuh Gunathilaka Rape Case :అత్యాచార ఆరోపణలను ఎదుర్కొంటున్న శ్రీలంక క్రికెటర్‌ దనుష్క గుణతిలక.. ఎట్టకేలకు ఆ కేసు నుంచి బయటపడ్డాడు. గతేడాది టీ20 ప్రపంచ కప్‌ సమయంలో ఆస్ట్రేలియా మహిళపై అతడు అత్యాచారం చేసేందుకు యత్నించినట్లు ఆరోపణలు సంచలనం రేపాయి. దీంతో ఆసీస్​ పోలీసు అధికారులు అతడిని అరెస్ట్‌ చేశారు. అయితే తాజాగా ఆ అత్యాచారయత్న ఆరోపణలను కొట్టి పారేస్తూ తాజాగా ఆస్ట్రేలియా కోర్టు తీర్పునిచ్చింది. ఫలితంగా కేసు నుంచి గుణతిలక నిర్దోషిగా బయటపట్టాడు.

తాను నిర్దోషిగా తేలడం వల్ల ప్రస్తుతం బెయిల్‌పై ఉన్న గుణతిలక ఆనందం వ్యక్తం చేశాడు. అన్నింటికీ తీర్పే సమాధానం ఇచ్చిందని పేర్కొన్నాడు. "అన్నింటికీ తీర్పే సమాధానం ఇచ్చింది. ఇక నుంచి నా జీవితాన్ని ఎంతో ప్రశాంతంగా గడుపుతాను. లంక తరఫున క్రికెట్‌ ఆడేందుకు ఆసక్తిగా ఎదురు చూస్తున్నాను. తప్పకుండా నేషనల్​ టీమ్​లోకి వస్తాను" అని గుణతిలక అన్నాడు. కాగా, శ్రీలంక తరఫున వందకు పైగా ఇంటర్నేషనల్​ మ్యాచ్‌లు(danushka gunathilaka career) ఆడిన గుణతిలక... అత్యాచార ఆరోపణలలలో అరెస్ట్​ అయిన నేపథ్యంలో అతడి సస్పెండ్‌ చేస్తూ ఆ దేశ క్రికెట్ బోర్డు నిర్ణయం తీసుకుంది. ఇప్పుడు అతడు నిర్దోషిగా తేలడంతో తిరిగి జాతీయ జట్టులోకి అతడు వెళ్లే అవకాశముంది.

అసలు జరిగిందంటే.. లైంగిక వేధింపుల ఆరోపణలు వచ్చిన నేపథ్యంలో శ్రీలంక క్రికెటర్‌ గుణతిలకను గతేడాది నవంబర్‌లో సిడ్నీ పోలీసులు అరెస్టు చేశారు. 'గుణతిలకకు కొంతకాలం క్రితం ఆన్‌లైన్‌ వేదికగా 29 ఏళ్ల మహిళ పరిచయమైంది. వీరిద్దరూ నవంబర్‌ 2న రోజ్‌ బే లోని ఓ హెటల్‌ గదిలో మీట్ అయ్యారు. అనంతరం ఆమెపై అతడు అత్యాచారానికి ప్రయత్నించాడు' అని అప్పట్లో పోలీసులు కేసు నమోదు చేసి అరెస్ట్ చేశారు. అత్యాచారా కేసు పెట్టిన మహిళ తనను గుణతిలక బలవంత చేయబోయాడని, ముద్దు పెట్టుకున్నట్లు ఆరోపించింది. కానీ విచారణ సమయంలో మాత్రం రెండు రకాలుగా వాదనలు వినిపించింది. దీంతో న్యాయమూర్తి.. గుణతిలకకు అనుకూలంగా తీర్పును ఇచ్చారు.