'అడ్డు తప్పుకొని.. ఆర్చర్​కు అవకాశమివ్వండి'

ప్రపంచకప్​ జట్టు నుంచి ఎవరైనా తప్పుకుంటే జోఫ్రా ఆర్చర్​ను ఆడించవచ్చని అభిప్రాయపడ్డాడు ఇంగ్లండ్​ క్రిెకెట్​ జట్టు మాజీ కెప్టెన్ ఆండ్రూ ఫ్లింటాఫ్. ఆర్చర్ అద్భుతమైన బౌలరని కొనియాడాడు.

ఇంగ్లండ్ ప్రపంచకప్​ జట్టు నుంచి ఎవరైనా ఆటగాడు తప్పుకుంటే జోఫ్రా ఆర్చర్​కు చోటుదక్కుతుందని ఆ దేశ మాజీ కెప్టెన్ ఆండ్రూ ఫ్లింటాఫ్ అభిప్రాయపడ్డాడు. ఆర్చర్ చాలా మంచి బౌలర్​ అని కితాబిచ్చాడు. ప్రపంచకప్​ అధికార గేయం 'స్టాండ్​ బై' ఆవిష్కరణ కార్యక్రమంలో ఈ వ్యాఖ్యలు చేశాడు ఫ్లింటాప్.

"నేను అతడి(ఆర్చర్) బౌలింగ్​ను చూశాను. చాలా అద్భుతంగా బంతులు వేస్తున్నాడు. 15 మంది జట్టులో ఎవరినైనా తప్పిస్తే అతడి స్థానంలో ఆర్చర్​కు అవకాశం కల్పించవచ్చు" -ఆండ్రూ ఫ్లింటాప్, ఇంగ్లండ్ మాజీ కెప్టెన్.

జోఫ్రా ఆర్చర్ నిలకడగా గంటకు 145 కిలోమీటర్ల వేగంతో బౌలింగ్ చేస్తున్నాడని, యార్కర్లతో పాటు స్లో బాల్స్​ కూడా సంధించగల సమర్థుడని ప్రశంసలతో ముంచెత్తాడీ ఇంగ్లీష్ మాజీ సారథి. వరల్డ్​కప్​ జట్టుకు ఎంపిక చేసిన 15 మందిలో జోఫ్రా ఆర్చర్​కు చోటు దక్కలేదు.