పాకిస్థాన్ ఆఖరి లీగ్‌ మ్యాచ్లో బంగ్లాదేశ్‌పై 94 పరుగుల తేడాతో విజయం సాధించింది. అయినా 11 పాయింట్లతో ప్రపంచకప్ నుంచి నిష్క్రమించింది. న్యూజిలాండ్కూ ఇవే పాయింట్లు ఉన్నాయి. నెట్ రన్రేట్ మెరుగ్గా ఉన్న కారణంగా కివీస్ సెమీస్‌కు అర్హత సాధించింది. తాజాగా ఈ విషయంపై స్పందించిన పాక్ కోచ్ మిక్కీఆర్థర్‌.. ఐసీసీ నెట్రన్రేట్ పద్ధతిని పునఃపరిశీలించాలని కోరాడు.
"మొదటి మ్యాచ్లో వెస్టిండీస్‌ చేతిలో ఘోర పరాభవమే తమ జట్టు సెమీస్‌ చేరకపోవడానికి ప్రధాన కారణం. ఆస్ట్రేలియాతో జరిగిన మ్యాచ్లో గెలిచే అవకాశమున్నా సద్వినియోగం చేసుకోలేకపోయాం. ఈ రెండు ఓటములు నాకు పీడకలలా మిగిలిపోతాయి. సెమీస్‌ చేరిన న్యూజిలాండ్, ఇంగ్లాండ్‌ జట్లను పాకిస్థాన్ జట్టు ఓడించడం సంతోషంగా ఉంది. సెమీస్‌ చేరిన నాలుగు జట్లకు అభినందనలు".
-మికీ ఆర్థర్, పాకిస్థాన్ కోచ్