ఆస్ట్రేలియాతో మ్యాచ్లో అంపైర్ల నిర్ణయాలపై అసంతృప్తి వ్యక్తం చేశాడు వెస్టిండీస్ ఆటగాడు కార్లోస్ బ్రాత్వైట్. ఓపెనర్ క్రిస్గేల్, జాసన్ హోల్డర్లను రెండు సార్లు ఔట్గా ప్రకటించారని.. అయితే రివ్యూలో నాటౌట్గా తేలిందని చెప్పాడు. విండీస్ దిగ్గజం మైఖేల్ హోల్డింగ్ కూడా అంపైర్ నిర్ణయాలను తప్పుబట్టాడు.
"ఆసీస్ మ్యాచ్లో అంపైర్ నిర్ణయాలు దారుణంగా ఉన్నాయి. మేము బౌలింగ్ చేసినప్పుడు కూడా బంతి కొంచెం ఎత్తుగా వెళ్తే వైడ్ ఇచ్చారు. క్రిస్ గేల్ లాంటి బ్యాట్స్మన్ అంపైర్ నిర్ణయం వల్ల మూడు సార్లు రివ్యూ తీసుకున్నాడు. 289 లక్ష్య ఛేదనలో అతనొక్కడే మ్యాచ్ మలుపు తిప్పగల సమర్థుడు". -కార్లోస్ బ్రాత్వైట్, విండీస్ ప్లేయర్
గురువారం ఆసీస్తో జరిగిన మ్యాచ్లో క్రిస్గేల్ 17 బంతుల్లో 21 పరుగులు చేసి ఔటయ్యాడు. అప్పటికే 4 బౌండరీలతో ఊపుమీదున్న అతడు స్టార్క్ బౌలింగ్లో ఎల్బీగా వెనుదిరిగాడు. అంతకుముందు రెండు సార్లు అంపైర్లు గేల్ను ఔట్గా ప్రకటించగా రివ్యూ కోరి సఫలమయ్యాడు. అనంతరం 5వ ఓవర్లో స్టార్క్ మళ్లీ యార్కర్ వేయగా.. బంతి ప్యాడ్లను తగిలింది. అంపైర్ ఔట్గా ప్రకటించాడు. గేల్ మళ్లీ సమీక్ష తీసుకున్నాడు. అయితే అంపైర్స్ కాల్ నిర్ణయంతో గేల్ పెవిలియన్ చేరాల్సి వచ్చింది.
దీనికి ముందు బంతిని స్టార్క్ నోబాల్ వేశాడు. ఈ విషయం టీవీ రిప్లేలో తేలింది. అంపైర్ ఈ విషయం గుర్తించినట్లయితే ఫ్రీ హిట్ వచ్చేదే. గేల్ ఔట్ కాకుండా ఉండేవాడు.
ఇది చదవండి: WC19: అఫ్గాన్కు దెబ్బ- టోర్నీకి షెహజాద్ దూరం
