భారత్తో జరుగుతున్న ప్రపంచకప్ సెమీస్ మ్యాచ్లో న్యూజిలాండ్ కెప్టెన్ కేన్ విలియమ్సన్ అరుదైన ఘనత సాధించాడు. ఓ వరల్డ్కప్లో కివీస్ తరఫున అత్యధిక పరుగులు సాధించిన బ్యాట్స్మన్గా రికార్డు సృష్టించాడు. ఈ ప్రపంచకప్లో 548 పరుగులు చేసి గప్తిల్ రికార్డును బద్దలు కొట్టాడు. 2015 వరల్డ్కప్లో గప్తిల్ 547 పరుగులు చేశాడు.
భారత్తో జరుగుతున్న మ్యాచ్లో నిలకడగా ఆడి 67 పరుగులు చేశాడు విలియమ్సన్. ఇందులో 6 ఫోర్లు ఉన్నాయి. ఈ మెగాటోర్నీలో 91.33 సగటుతో 548 పరుగులతో ఎక్కువ వ్యక్తిగత స్కోరు చేసిన ఆటగాళ్లలో నాలుగో స్థానంలో ఉన్నాడు. ఇందులో రెండు శతకాలు, 4 అర్ధశతకాలు ఉన్నాయి.