ఇంగ్లాండ్తో జరిగిన ప్రపంచకప్ ఫైనల్ సూపర్ ఓవర్లో న్యూజిలాండ్ ఆల్రౌండర్ జిమ్మీ నీషమ్ కొట్టిన సిక్స్ను అంత త్వరగా మర్చిపోలేం. ఆ షాట్ చూసే నీషమ్ స్కూల్ కోచ్ డేవిడ్ గోర్డాన్ తన తది శ్వాస విడిచారంట. ఈ విషయాన్ని గోర్డాన్ కూతురు లియోని తెలిపింది.
ప్రపంచకప్ ఫైనల్ రోజే నీషమ్ కోచ్ గోర్డాన్ గుండెపోటుతో మరణించారు. నీషమ్ సిక్సర్ అనంతరం తన తండ్రి శ్వాసలో మార్పు వచ్చినట్టు నర్సు తెలిపిందని లియోని చెప్పింది.
"సూపర్ ఓవర్ జరుగుతున్నప్పుడు నర్సు హఠాత్తుగా బయటకు వచ్చింది. మా నాన్న శ్వాసలో మార్పు వచ్చిందని తెలిపింది. నీషమ్ సిక్సర్ కొట్టినపుడే తన చివరి శ్వాస తీసుకుని ఉంటాడని నేను అనుకున్నా" -లియోని, డేవిడ్ గోర్డాన్ కూతురు