మైదానంలో ఎలా ఉన్నా.. బయట కోహ్లీ అల్లరి మామూలుగా ఉండదు. ఆటగాళ్లను ఆటపట్టిస్తూ వారిని సరదాగా కవ్విస్తుంటాడు విరాట్. మరోసారి ఇలాంటి దృశ్యమే కనిపించింది. తాజాగా 'చాహల్ టీవీ' కార్యక్రమంలో కోహ్లీ తన చిలిపితనాన్ని చూపిన తీరు నెటిజన్లను ఆకర్షిస్తోంది.
బంగ్లాదేశ్తో మ్యాచ్ గెలిచిన భారత్ సెమీస్కు అర్హత సాధించింది. అనంతరం స్పిన్నర్ చాహల్ ఎప్పటిలాగే తన 'చాహల్ టీవీ'ని కొనసాగించాడు. ఓపెనర్ కేఎల్ రాహుల్ను ఇంటర్వ్యూ చేశాడు. ఈ విషయాన్ని గమనించిన కోహ్లీ.. ఇంటర్వ్యూ మధ్యలో వెళ్లి రాహుల్ను ఏదో అడిగాడు.
కెమెరాను కోహ్లీ వైపు తిప్పించిన చాహల్.. "కావాలనే ఇలా చేశావ్ కదా కోహ్లీ భయ్యా. చాహల్ టీవీలో కనిపించాలన్న ఆత్రుత నీకూ ఉంది" అంటూ కోహ్లీని ఆటపట్టించే ప్రయత్నం చేశాడు. అయితే కోహ్లీ మాత్రం తాను కావాలని చేయలేదని.. రాహులే నన్ను పిలిచాడంటూ చెప్పాడు. అనంతరం కోహ్లీ అక్కడి నుండి వెళ్లిపోయాడు.