మైదానంలో ఆటగాళ్లు వికెట్ తీసినా, మంచి ప్రదర్శన చేసినా, చక్కటి ఇన్నింగ్స్ ఆడినా సహచరులు మెచ్చుకుంటారు. అభిమానులైతే నచ్చిన బ్యాట్స్మెన్, బౌలర్ రాణించినపుడు కేరింతలు కొడతారు. ఆదివారం ఓవల్ వేదికగా భారత్-ఆస్ట్రేలియా మ్యాచ్లో మాత్రం స్టేడియం మొత్తం టీమిండియా ఫ్యాన్స్తో నిండిపోయింది. ఆసీస్కు మద్దతిచ్చేవారే కరవయ్యారు. అయితే విరాట్ కోహ్లీ బ్యాటింగ్ ఆడుతున్న సమయంలో ఆస్ట్రేలియా ఆటగాడు స్టీవ్ స్మిత్ అద్భుత ఫీల్డింగ్తో అదరగొట్టాడు.
మందలించి.. మనసు గెలిచిన విరాట్ - స్టీవ్ స్మిత్కు చప్పట్లు కొట్టమన్న విరాట్ కోహ్లీ
విరాట్ కోహ్లీ... ప్రపంచ క్రికెట్లో అత్యుత్తమ బ్యాట్స్మెన్ మాత్రమే కాదు... ఆటగాళ్లతో మంచి స్నేహపూర్వక సంబంధం కలిగి ఉంటాడు. మైదానంలో భావోద్వేగాలతోనూ ఆకట్టుకుంటాడు. ఆస్ట్రేలియాతో మ్యాచ్ సమయంలో అభిమానులకు కోహ్లీ చేసిన ఓ సూచన అతడిపై ప్రశంసలు కురిపిస్తోంది.
ఆసీస్ ఆటగాడికి చప్పట్లు కొట్టమన్న విరాట్ కోహ్లీ
బాల్ టాంపరింగ్ ఉదంతంతో ఏడాది నిషేధం ఎదుర్కొని బరిలోకి దిగిన స్మిత్ను కొంత మంది భారత అభిమానులు 'మోసగాడు' అంటూ కించపరిచేలా నినాదాలు చేశారు. ఇది గమనించిన కోహ్లి ఓవర్ మధ్యలో ఆ అభిమానుల వైపు చూస్తూ.. స్మిత్ను విమర్శించడం మాని అభినందించండి అంటూ సంకేతమించాడు. ఆ తర్వాత నినాదాలు ఆగిపోయాయి. ఇది గమనించిన స్మిత్ అభినందనపూర్వకంగా విరాట్తో చేయి కలిపాడు. ఈ వీడియో నెట్టింట్లో విపరీతంగా ఆకట్టుకుంటోంది. విరాట్ మంచి ఆటగాడు మాత్రమే కాదు స్ఫూర్తినిచ్చే క్రికెటర్గా మరోసారి నిరూపించుకున్నాడని ఫ్యాన్స్ కొనియాడుతున్నారు.
ఇవీ చూడండి:
WC19: ఆసీస్పై భారత్ అద్భుత విజయం