"విజయ్ శంకర్ త్రీడీ ప్లేయర్.. కోహ్లీ, బుమ్రా, ధోనీ ముగ్గురు లక్షణాలు ఉన్నాయి. కాకపోతే కోహ్లీ బౌలింగ్ చేసినట్టు, బుమ్రా బ్యాటింగ్ చేసినట్టు, తనకు తాను ధోనీ అనుకుంటున్నట్టు ఉంది" అంటూ విజయ్శంకర్పై విభిన్నంగా స్పందిస్తున్నారు నెటిజన్లు. ఈ ప్రపంచకప్లో అతడి ప్రదర్శనపై విసుగు చెందిన ఫ్యాన్స్ వినూత్న పోస్టులు పెడుతున్నారు.
"నోట్ల రద్దు తర్వాత.. భారత్ చేసిన విఫల ప్రయోగం విజయ్శంకర్కు అవకాశమివ్వడం" అంటూ ఒకరు ట్వీట్ చేశారు. "దినేశ్ కార్తీక్, రిషభ్ పంత్కు అవకాశమిస్తే వారు విజయ్ కంటే బాగా ఆడతారు" అని ఇంకొకరు స్పందించారు.
ఈ ప్రపంచకప్లో మూడు మ్యాచ్లాడిన విజయ్ శంకర్ పాకిస్థాన్పై తొలి బంతికే వికెట్ తీయడం మిహా చెప్పుకోదగ్గ ప్రదర్శనేమీ చేయలేదు. పాక్తో పోరులో ఇన్నింగ్స్ చివర్లో వచ్చి 15 బంతుల్లో15 పరుగుల చేసి విసుగు తెప్పించాడు. అఫ్గాన్తో మ్యాచ్లో 41 బంతుల్లో 29 పరుగులు చేశాడు. విండీస్తో మ్యాచ్లో 19 బంతుల్లో 14 పరుగుల చేసి మరోసారి విఫలమయ్యాడు.
ప్రపంచకప్ ముందు నాలుగోస్థానంపై తీవ్ర సందిగ్ధత నెలకొంది. ఆ స్థానంలో రాహుల్ నిలకడగా రాణించడంతో సమస్య తీరందనుకున్నారు. అయితే గాయం కారణంగా శిఖర్ ధావన్ ప్రపంచకప్ నుంచి వైదొలిగిన తర్వాత ఒపెనర్గా రాహుల్ వస్తున్నాడు. దీంతో నాలుగో స్థానంలో బ్యాటింగ్ చేస్తున్న విజయ్ ఏ మాత్రం ఆకట్టుకోవట్లేదు. దినేశ్ కార్తీక్, రిషభ్ పంత్ అందుబాటులో ఉన్నా.. జట్టు మేనేజ్మెంట్ విజయ్కే అవకాశమిస్తోంది.
