ప్రపంచకప్​ నుంచి విజయ్ శంకర్ ఔట్

ప్రపంచకప్​ నుంచి భారత ఆల్​రౌండర్ విజయ్ శంకర్ దూరం అయ్యాడు. కాలి బొటన వేలు గాయం కారణంగా ఏ మ్యాచ్​కూ అందుబాటులో ఉండడని బీసీసీఐ ప్రకటించింది.

ప్రపంచకప్​లో భారత జట్టుకు మరో ఎదురు దెబ్బ. గాయం కారణంగా శిఖర్ ధావన్ ప్రపంచకప్​కు దూరమైన సంగతి మరువకముందే మరో టీమిండియా ఆటగాడు వరల్డ్​కప్​ నుంచి నిష్క్రమించాడు. కాలి బొటన వేలు గాయం కారణంగా విజయ్​శంకర్ మెగాటోర్నీకి దూరమయ్యాడు.

నెట్ ప్రాక్టీస్​లో బుమ్రా బౌలింగ్​లో గాయపడిన విజయ్.. ఇంగ్లాండ్​ మ్యాచ్​కు దూరమయ్యాడు. అనంతరం అతడిని పరీక్షించిన వైద్యులు విశ్రాంతి అవసరమని తేల్చారు. దీంతో మొత్తం ప్రపంచకప్​కు విజయ్ శంకర్ దూరమవ్వనున్నాడని బీసీసీఐ ప్రకటించింది. విజయ్ స్థానంలో మయాంక్ అగర్వాల్​కు జట్టులో చోటు దక్కే అవకాశముంది.

ఈ ప్రపంచకప్​లో మూడు మ్యాచ్​లు ఆడాడు విజయ్. పాకిస్థాన్​తో జరిగిన తొలి బంతికే వికెట్ తీసి ఆకట్టుకున్నాడు. ఆ మ్యాచ్​లో రెండు వికెట్లతో పాటు 15 పరుగులు చేశాడు. అనంతరం అఫ్గాన్​తో మ్యాచ్​లో 29 పరుగులు చేశాడు. వెస్టిండీస్​తో జరిగిన మూడో మ్యాచ్​లో 14 పరుగులు చేశాడు.

ఇవీ చదవండి: నా కల సాకారమైంది: విజయ్ శంకర్

'నోట్ల రద్దు తర్వాత భారత్​ విఫల ప్రయోగం ఇదే'