సెమీస్ రేసులో నిలవాలంటే కచ్చితంగా గెలవాల్సిన మ్యాచ్లో బంగ్లాదేశ్ బ్యాట్స్మెన్ రాణించారు. అఫ్గాన్ స్నిన్నర్లు కట్టుదిట్టమైన బౌలింగ్ చేసినప్పటికీ... బంగ్లా బ్యాట్స్మెన్ స్ట్రైక్ రొటేట్ చేస్తూ రన్రేట్ తగ్గకుండా చూసుకున్నారు. ఇన్నింగ్స్ మొత్తంలో ఒకే ఒక సిక్సర్ కొట్టినప్పటికీ బంగ్లా మంచి స్కోరు సాధించగలిగింది.
ఆది నుంచి...
టాస్ గెలిచి బ్యాటింగ్ ఎంచుకొన్న బంగ్లా ఇన్నింగ్స్ ప్రారంభం నుంచి ఓవర్కు 6 పరుగుల చొప్పున వచ్చేలా చూసుకుంది. జట్టు 23 పరుగుల వద్ద లిటన్ దాస్ 16 పరుగులు చేసి వెనుదిరిగాడు. తర్వాత క్రీజులోకి వచ్చిన బంగ్లాదేశ్ ఆల్రౌండర్ షకిబ్ ఉల్ హసన్ (51) మరోసారి విలువైన ఇన్నింగ్స్ ఆడాడు. తమీమ్తో కలిసి రెండో వికెట్కు 59 పరుగుల భాగస్వామ్యం నెలకొల్పాడు.
కీలక భాగస్వామ్యం...
అనంతరం తమీమ్(36)ను నబీ బోల్తా కొట్టించి బౌల్డ్ చేశాడు. నాలుగో స్థానంలో క్రీజులోకి వచ్చిన ముష్ఫికర్ (83), షకిబ్కు మంచి సహకారం అందించాడు. ఈ జోడీ మూడో వికెట్కు 61 పరుగుల కీలక భాగస్వామ్యం నెలకొల్పింది.
అర్ధశతకం చేసిన షకిబ్ను ముజీబ్ వికెట్ల ముందు దొరకబుచ్చుకున్నాడు. అనంతరం క్రీజులోకి వచ్చిన సౌమ్య సర్కార్ (3)ను కాసేపటికే ముజీబ్ ఔట్ చేశాడు.