భారత స్టార్ పేసర్ జస్ప్రీత్ బుమ్రాను అనుకరిస్తూ బౌలింగ్ చేసిన విరాట్ కోహ్లీని మరువక ముందే అంతర్జాలంలో మరో వీడియో హల్ చల్ చేస్తోంది. ఓ వృద్ధురాలు బుమ్రాలా బౌలింగ్ చేసింది. ఈ వీడియోను ఓ అభిమాని ట్విట్టర్లో పోస్ట్ చేసింది.
"అందరిలానే ఈమె కూడా బుమ్రా బౌలింగ్ను ఎంతో అభిమానించింది. అందుకే అతడిని అనుకరిస్తూ బౌలింగ్ చేసింది" అని ట్వీటింది.
ప్రపంచకప్ షెడ్యూల్తో తలమునకలై ఉన్నప్పటికీ బుమ్రా ఈ ట్వీట్కు రిప్లై ఇచ్చాడు. "ఈ వీడియో చూసి ఈ రోజు సంతృప్తికరంగా గడిపా" అంటూ పోస్ట్ చేశాడు.
న్యూజిలాండ్తో జరిగిన ప్రపంచకప్ సెమీస్లో భారత్ 18 పరుగుల తేడాతో ఓడడం భారత అభిమానులను కలచి వేసింది. ఎన్నో ఆశలతో బరిలో దిగిన టీమిండియా కప్పునకు అడుగు దూరంలో ఆగిపోయింది. ఈ మ్యాచ్ అనంతరం బుమ్రా అందరికీ ధన్యవాదాలు చెప్తూ ట్వీట్ చేశాడు.
ఇది చదవండి: WC19: ఫైనల్కు ముగ్గురు చిన్నారి అతిథులు!