న్యూజిలాండ్ ఆల్రౌండర్ జిమ్మీ నీషమ్ భారత్ అభిమానల ముందు ఓ విన్నపం ఉంచాడు. ఫైనల్ మ్యాచ్కు టిక్కెట్లను కొనుక్కున్న టీమిండియా ఫ్యాన్స్ వాటిని తిరిగి విక్రయించాలని కోరాడు. మ్యాచ్ చూడకూడదని అనుకునే వారు అధికారిక వెబ్సైట్లో అమ్మాలని తన ట్విట్టర్లో సూచించాడు.
"ప్రియమైన భారత్ క్రికెట్ అభిమానులారా.. ఒకవేళ మీరు ఫైనల్ మ్యాచ్ చూడదల్చుకోకపోతే దయచేసి వాటిని తిరిగి అధికారిక వెబ్సైట్లో విక్రయించండి. ఎక్కువ లాభానికి మీరు అమ్ముకునే వీలుంది. కానీ నిజమైన క్రికెట్ అభిమానులకు అవకాశం కల్పించండి" -జిమ్మీ నీషమ్, న్యూజిలాండ్ ఆటగాడు.
ప్రపంచకప్ సెమీస్లో న్యూజిలాండ్ చేతిలో ఓడి ఇంటిముఖం పట్టిన భారత్ అభిమానుల ప్రపంచకప్ కలను కలగానే మిగిల్చింది కోహ్లీసేన. టీమిండియా తప్పకుండా ఫైనల్ చేరుతుందని చాలామంది ఫ్యాన్స్ మ్యాచ్ ప్రత్యక్షంగా చూసేందుకు ముందుగానే టిక్కెట్లు కొనుక్కున్నారు.