ఆగకుండా కురిసిన వర్షం టీమిండియాను ఈ రోజు మ్యాచ్ ఆడకుండా చేసింది. కివీస్తో రసవత్తరంగా సాగుతుందనుకున్న ఈ పోరు.. వరుణుడి ధాటికి టాస్ పడుకుండానే రద్దయింది. ఇరుజట్లకు చెరో పాయింట్ కేటాయించారు. ప్రస్తుత ప్రపంచకప్లో వర్షం కారణంగా మ్యాచ్ రద్దు కావడం ఇప్పటికే ఇది నాలుగవసారి. పాయింట్ల పట్టికలో ప్రస్తుతం న్యూజిలాండ్ ఏడు పాయింట్లతో అగ్రస్థానంలో ఉంది. ఐదు పాయింట్లతో టీమిండియా మూడో స్థానంలో ఉంది.
వరుణుడు ప్రతాపం.. టీమిండియా మ్యాచ్ రద్దు
కివీస్తో భారత్ ఢీ...
2019-06-13 19:35:39
వర్షం ధాటికి మరో ప్రపంచకప్ మ్యాచ్ రద్దు
2019-06-13 19:11:26
మ్యాచ్ ప్రారంభిస్తారా.. రద్దు చేస్తారా..!
నాటింగ్హామ్ వేదికగా జరగాల్సిన భారత్- న్యూజిలాండ్ మ్యాచ్ వర్షం కారణంగా ఇంకా ప్రారంభం కాలేదు. ఎప్పటికప్పుడు పిచ్ను పరిశీలిస్తున్న అంపైర్లు మ్యాచ్ను కొనసాగించే విషయంపై స్పష్టత ఇవ్వడం లేదు. ప్రస్తుతం పిచ్ను పూర్తిగా కప్పి ఉంచారు. ఇంకా టాస్ వేయని ఈ మ్యాచ్ ఎప్పుడు మొదలవుతుందా అని అభిమానులు ఆత్రుతగా ఎదురుచూస్తున్నారు.
2019-06-13 16:26:58
వర్షంతో ఇంకా ప్రారంభం కాని భారత్- న్యూజిలాండ్ మ్యాచ్
టీమిండియా- న్యూజిలాండ్ రసవత్తర ప్రపంచకప్ పోరుకు వరుణుడు అడ్డంకిగా మారాడు. మైదానంలో ఆగకుండా వర్షం కురుస్తోంది. భారత కాలమానం ప్రకారం సాయంత్రం 5:30 నిమిషాలకు మ్యాచ్కు సంబంధించిన సమాచారాన్ని తెలపనున్నారు అంపైర్లు. మ్యాచ్ ఓవర్లను కుదించే అవకాశం ఉంది.
2019-06-13 15:10:35
పిచ్ పరిశీలన..
మధ్యాహ్నం 3.30కు మరోసారి పిచ్ను పరిశీలించనున్న అంపైర్లు.
2019-06-13 14:33:12
కివీస్తో భారత్ ఢీ...
నాటింగ్హామ్ వేదికగా నేడు భారత్ - న్యూజిలాండ్తో తలపడనుంది. మ్యాచ్కు వర్షం అడ్డంకిగా మారింది. సోమవారం నుంచి విస్తారంగా వర్షం కురుస్తోంది. టీమిండియా నెట్ ప్రాక్టీస్కు కూడా పిచ్ అనుకూలించలేదు. వాన కారణంగా మ్యాచ్ ఆలస్యంగా ప్రారంభం కావచ్చు. పిచ్ పరిస్థితి బావున్నప్పటికీ ఔట్ ఫీల్డ్ తడిగా ఉంది. కాసేపట్లో మ్యాచ్పై అంపైర్లు నిర్ణయం తీసుకోనున్నారు. మ్యాచ్ ఓవర్లను కుదించే అవకాశం ఉంది.
Last Updated : Jun 13, 2019, 7:41 PM IST