ప్రస్తుతం ఎక్కడ చూసినా క్రికెట్ ఫీవర్ నడుస్తోంది. ప్రపంచకప్ టోర్నీ సెమీస్కు చేరింది. ఈ నేపథ్యంలో విశ్వ విజేత ఎవరనేదానిపై ఇప్పటి నుంచే చర్చ జరుగుతోంది. అంతే కాదు సెమీస్ జట్లపై, తుదిపోరులో గెలిచే టీమ్పై పందేలు విస్తృతంగా జరుగుతున్నాయి. ఇప్పటికే లండన్ వేదికగా ఉన్న బెట్టింగ్ వెబ్సైట్లలో భారత్కు అనుకూలంగా పందేలు నడుస్తున్నాయి.
జులై 14న జరగబోయే తుదిపోరుకు భారత్ చేరుకుంటుందని లండన్కు చెందిన ల్యాడ్బ్రోక్స్, బెట్వే లాంటి బెట్టింగ్ వెబ్సైట్లు చెబుతున్నాయి. అంతేకాదు టీమిండియా వరల్డ్కప్ సొంతం చేసుకుంటుందని బెట్టింగ్ కడుతున్నారు పందెం రాయుళ్లు.
బెట్టింగ్ సంస్థలు భారత్కు అనుకూలంగా 13/8 రేటింగ్ ఇచ్చాయి. తరువాతి స్థానాల్లో ఇంగ్లాండ్ (15/8), ఆస్ట్రేలియా (11/4), న్యూజిలాండ్ (8/1) ఉన్నాయి.
పందెంలో డబ్బులు ఇలా వస్తాయి..
తుదిపోరులో భారత్ గెలుస్తుందని టీమిండియా తరపున 13:8 నిష్పత్తిలో బెట్టింగ్ చేస్తున్నారు. ఉదాహరణకు వంద రూపాయలు బెట్టింగ్ చేస్తే.. ఆ వందను 13తో గుణించి 8తో భాగించాలి. వచ్చిన ఫలితమే గెలిచిన వారికి దక్కుతుంది.
బెట్ వే వెబ్సైట్లోనూ భారత్ టాప్..
మూడోసారి భారత్ ప్రపంచకప్ను సొంతం చేసుకుంటుందని బెట్ వై వెబ్సైటూ తెలిపింది. బెట్టింగ్ల ఆధారంగా గణించగా.. 2.8 పాయింట్లతో భారత్ తొలి స్థానంలో ఉంది. ఇంగ్లాండ్ (3), ఆస్ట్రేలియా (3.8), న్యూజిలాండ్ (9.5) తర్వాతి స్థానాల్లో నిలిచాయి.
ఈ ప్రపంచకప్ అత్యధిక వ్యక్తిగత పరుగుల రికార్డును రోహిత్ శర్మ అందుకుంటాడని 8/13 నిష్పత్తిలో పందేలు జరుగుతున్నాయి. డేవిడ్ వార్నర్ సాధిస్తాడని 11/8, రూట్పై 20/1 నిష్పత్తిలో బెట్టింగ్లు వేస్తున్నారు క్రీడాభిమానులు.
ఇదీ చదవండి: WC19: కివీస్తో పోరుకు భారత్ ఇస్మార్ట్ ప్లాన్
