బంగ్లాదేశ్ వేదికగా వచ్చే నెలలో ప్రపంచ ఎలెవన్, ఆసియా ఎలెవన్ మధ్య రెండు టీ20 మ్యాచ్లు జరగనున్నాయి. టీమిండియా కెప్టెన్ కోహ్లీ.. ఇందులోని కనీసం ఒక్క మ్యాచ్లోనైనా ఆడతాడని బంగ్లా క్రికెట్ బోర్డు ఇంతకు ముందే చెప్పింది. అయితే విరాట్.. ఈ విషయమై ఎలాంటి నిర్ణయాన్ని ఇంతవరకు చెప్పలేదని బీసీసీఐ అధికారి ఒకరు అన్నారు.
"బంగ్లాదేశ్ క్రికెట్ బోర్డు (బీసీబీ) 10 మంది ఆటగాళ్ల జాబితాను పంపింది. అందులో ఐదుగురు ఆటగాళ్లను మేం పంపించాలి. కానీ ఎవర్ని పంపించాలో ఇంతవరకు నిర్ణయం తీసుకోలేదు. ఆటగాళ్లకు వర్క్లోడ్, మెడికల్ టెస్టులు జరిపిన తర్వాతే జాబితాను పంపిస్తాం"
- బీసీసీఐ సీనియర్ అధికారి
బంగ్లాదేశ్ వ్యవస్థాపకుడు షేక్ ముజీబర్ రెహ్మాన్ శతాబ్ది జయంతి వేడుక సందర్భంగా ఈ మ్యాచ్లు నిర్వహిస్తున్నారు. ఢాకాలో వచ్చే నెల 21, 22 తేదీల్లో ఇవి జరగనున్నాయి.
ప్రస్తుతం న్యూజిలాండ్ పర్యటనలో ఉంది టీమిండియా. వచ్చే నెల 6న స్వదేశానికి వస్తుంది. ఆ తర్వాత దక్షిణాఫ్రికాతో మూడు వన్డేల సిరీస్ ఆడుతుంది. అదే నెల 29వ తేదీ నుంచి నుంచి ఐపీఎల్ మొదలు కానుంది.
ఇటీవలే మాట్లాడిన కోహ్లీ.. అంతర్జాతీయ క్రికెటర్లకు వరుస మ్యాచ్ల వల్ల పని ఒత్తిడి పెరుగుతందని అన్నాడు. ఈ వ్యాఖ్యలపై స్పందించిన కోచ్ రవిశాస్త్రి.. ఇది కేవలం అతడి వ్యక్తిగతమైన అభిప్రాయమని, ఆటగాళ్లకు ఒత్తిడి ఎదురైతే వారు అధికారులకు చెప్పొచ్చని అన్నాడు.
ఇదీ చూడండి.. ఈ ఓటమి టీమిండియాకు గుణపాఠం కావాలి: రవిశాస్త్రి
