సచిన్​ తర్వాత యూసఫ్​ పఠాన్​కు​ కరోనా

టీమ్​ఇండియా మాజీ క్రికెటర్​ యూసఫ్​ పఠాన్​కు కరోనా పాజిటివ్​గా తేలింది. ఈ విషయాన్ని సామాజిక మాధ్యమాల వేదికగా తెలిపిన అతడు.. ప్రస్తుతం స్వీయ నిర్బంధంలో ఉన్నట్లు చెప్పాడు.

ఇటీవల రోడ్​ సేఫ్టీ సిరీస్​లో పాల్గొన్న భారత దిగ్గజ క్రికెటర్​ సచిన్​కు కరోనా సోకిన తర్వాత ఇప్పుడు మరో మాజీ క్రికెటర్​ యూసఫ్​ పఠాన్​కు పాజిటివ్​గా తేలింది. ఈ విషయాన్ని అతడు ట్వీట్​ చేశాడు. ప్రస్తుతం తన ఆరోగ్య పరిస్థితి బాగానే ఉందని చెప్పిన యూసఫ్​.. స్వీయ నిర్బంధంలో ఉన్నట్లు తెలిపాడు.

ఇటీవల కాలంలో తనతో సన్నిహితంగా ఉన్నవాళ్లు కరోనా పరీక్షలు చేయించుకోవాలని పఠాన్​ సూచించాడు. ప్రతిఒక్కరూ జాగ్రత్తలు పాటించాలని విజ్ఞప్తి చేశాడు. రోడ్ సేఫ్టీ సిరీస్​ ఫైనల్లో శ్రీలంక లెజండ్స్​పై గెలిచిన ఇండియా లెజెండ్స్.. విజేతగా నిలిచింది.

ఇదీ చూడండి:దిగ్గజ క్రికెటర్ సచిన్​కు కరోనా పాజిటివ్​