దక్షిణాఫ్రికా పర్యటనను ఆస్ట్రేలియా వాయిదా వేయడం పలు విమర్శలకు దారీ తీసింది. దీనిపై పలువురు మాజీలు సందేహాలు వ్యక్తం చేస్తున్నారు. ఈ క్రమంలోనే ఇంగ్లాండ్ మాజీ సారథి మైకేల్ వాన్ కూడా ఇదే విషయమై మాట్లాడుతూ.. అసంతృప్తి వ్యక్తం చేశాడు. ఇలా చేయడం ఆటకు మంచిది కాదని సూచించాడు. ఒకవేళ ఇదే సమయంలో భారత్ పర్యటనకు వెళ్లాల్సి వస్తే ఆసీస్ ఇదే విధంగా చేసి ఉండేదా? అని ప్రశ్నించాడు.
"దక్షిణాఫ్రికా పర్యటనను ఆసీస్ వాయిదా వేయడం ఆటకు మంచిది కాదని నా అభిప్రాయం. భారత్ విషయంలో కూడా ఆసీస్ ఇలానే చేస్తుందా?. ఇలాంటి క్లిష్ట పరిస్థితుల్లో ఆర్థికంగా ఇబ్బందులు ఎదుర్కొంటున్న చిన్న జట్లను పెద్ద జట్లు సాధ్యమైనంత వరకు ఆదుకోవడం చాలా ముఖ్యం."
-మైకేల్ వాన్, ఇంగ్లాండ్ మాజీ సారథి